Oŋtüstık Koreiada koronavirus jūqtyrdy dep taraǧan aqparattaǧy Qazaqstan azamaty elımızdıŋ SIM ökılderıne özı habarlasqan, dep jazady baq.kz.
SIM resmi ökılı Aibek Smadiiarovtyŋ aituynşa, Qazaqstan azamaty äleumettık jelıdegı özınıŋ suretın körıp, taŋqalǧan.2020 jylǧy 3 nauryzda Oŋtüstık Koreianyŋ äleumettık jelılerınıŋ orystıldı toptarynda Oŋtüstık Koreianyŋ Kiongido provinsiiasynyŋ Anson qalasynda zaŋsyz jürgen Qazaqstan Respublikasynyŋ azamaty COVID-2019 koronavirusqa şaldyqqany rastaldy degen aqparat tarady. Atalǧan äleumettık jelılerdıŋ habarlauynşa, QR azamaty klinikadan qaşyp ketıp, qazırgı taŋda polisiiamen ızdestırılude. Mūndai aqparat Habar-24 otandyq telearnasynda da habarlanǧan. Qazaqstannyŋ Oŋtüstık Koreiadaǧy tiıstı ıs-şaralar jürgızıp, onyŋ nätijesınde būl aqparat rastalmady. Jergılıktı polisiia jäne bızdıŋ azamatpen bailanys ornatylǧan. Ol būǧan deiın klinikaǧa barmaǧanyn jäne koronavirustyŋ bar-joǧyn anyqtaityn qandai da bır analiz tapsyrmaǧanyn jetkızdı. Koreia polisiiasynyŋ aqparaty boiynşa, osydan bırneşe kün būryn qazaqstandyq azamat koronavirusqa şaldyqqan adam barǧan qoǧamdyq tamaqtanu ornynda bolǧan. Osyǧan bailanysty belgılengen tärtıpke säikes, oǧan jäne sol uaqytta osy mekemede bolǧan barlyq adamdarǧa eger aurudyŋ syrtqy belgılerı baiqalǧan jaǧdaida virustyŋ bar-joǧyna qatysty test tapsyru qajet, - dep habarlady brifing barysynda SIM baspasöz hatşysy Aibek Smadiiarov.Qazaqstan azamaty Oŋtüstık Koreianyŋ Kiongido provinsiiasynyŋ Anson qalasynda zaŋsyz jür. Ol qazır koronavirusqa qatysty barlyq qajettı analizdı tapsyruǧa daiyn.
Otandasymyz barlyq qajettı medisinalyq proseduralardan ötuge jäne jergılıktı bilıkpen yntymaqtasuǧa daiyn. Bızdıŋ elşılık Oŋtüstık Koreia aumaǧynda koronavirus anyqtalǧan alǧaşqy künnen bastap jergılıktı SIM jäne aurulardy baqylau jäne aldyn alu boiynşa Koreia ortalyǧymen tyǧyz jūmys ıstep keledı. Atalǧan ortalyqtyŋ ūsynysy boiynşa bızdıŋ otandasymyz telefon arqyly kündelıktı densaulyǧyna baqylau jürgızıp, üi karantinınde boluy qajet. Būl ūsynys aurudyŋ syrtqy belgılerı joqtyǧyna negızdelgenın jäne oǧan emdeuge jatqyzudan jäne koronavirustyŋ boluyn testıleuden bas tartyldy. Qazaqstannyŋ Oŋtüstık Koreiadaǧy elşılıgı būl mäselenı tūraqty baqylauǧa alady, - dedı Smadiiarov.Osyndai jalǧan aqparattyŋ tarauyna bailanysty SIM ökılı resmi aqparatty kütıp, naqtylap baryp berudı sūrady.
Joǧaryda baiandalǧanǧa bailanysty SIM būqaralyq aqparat qūraldarynyŋ ökılderıne tekserılmegen aqparatty jariialap, dürlıktırmeu jäne ürei tudyrmaudy sūraidy. Syrtqy saiasi vedomstvonyŋ resmi tüsınıktemesın kütu qajet. Sonymen qatar, Qazaqstan azamattaryndaǧy koronavirusqa qatysty aqparat alu üşın QR Densaulyq saqtau ministrlıgıne habarlasudy sūraimyz. Al Syrtqy ıster ministrlıgı şeteldegı bızdıŋ otandastyrymyzǧa qatysty aqparatty tekserıp, naqty mälımet beruge tyrysady, - dedı ol.
Ūqsas jaŋalyqtar
