Qytaı bıligi fabrıkalarda uıǵyrlardyń eńbegin paıdalanady

2986
Adyrna.kz Telegram

Qytaı bıligi "kásipke úıretý ortalyǵy" dep atalǵan oryndarda kúshpen qamalyp otyrǵan júzdegen musylmandy belgili brendterdiń ónimderin fabrıkalarda óndirý úshin májbúrlep jumys istetip keledi. Bul týraly Avstralııadaǵy strategııalyq saıasat ınstıtýtynyń (ASPI) baıandamasynda jazylǵan, dep habarlaıdy centralasian.org.

Avtorlor qytaı úkimetiniń qujattaryna jáne basylymdardaǵy aqparattarǵa súıene otyryp, Shynjań-Uıǵyr avtonom aýdanynyń bıligi lagerdegi adamdardy ehtarda isteýge májbúrlep jatqanyn jazǵan. Olardyń sózinshe, jalpy 80 myńnan astam uıǵyr keminde 9 fabrıkada isteıdi.

Atalǵan fabrıkalar Apple, BMW, Nike, Samsung, Sony, Volkswagen jáne ózge de tanymal brenderdiń qural-jabdyqtaryn shyǵarady. Reuters agenttigi qazir bitqatar kompanııalardyń bul aqparatty tekserip jatqanyn jazdy.

Dúısenbi kúni Qytaıdyń syrtqy ister mınıstrligi baıandamadaǵy málimetterdi teriske shyǵaryp, avtorlardyń maqsaty — Beıjiń tarabynan jasalynyp jatqan "antıterrorıstik sharalardy" jamanatty etý dep málimdedi.

Qytaı bıligi Shyńjań aımaǵyndaǵy ıslam dinin ustanatyn az ult ókilderi ustalyp otyrǵan jaılardy kásip úıretý ortalyǵy dep atap keledi.

Pikirler