اتىراۋ وبلىسى اكىمدىگىنىڭ قولداۋىمەن «راحىمجان وتارباەۆتىڭ رۋحانيات قورى» جەكە قورى ۇيىمداستىرعان ادەبي سىن بايقاۋىنىڭ
ە ر ە ج ە س ى
اتىراۋ وبلىسى اكىمدىگى قولداۋىمەن «رۋحاني جاڭعىرۋ: بولاشاققا باعدار» جالپىۇلتتىق جوباسى اياسىندا «راحىمجان وتارباەۆتىڭ رۋحانيات قورى» جەكە قورى دراماتۋرگيا، پروزا سالالارى بويىنشا سىنشى، ادەبيەتشىلەر اراسىندا «راحىمجان وتارباەۆ شىعارماشىلىعى. ادەبي سىن» اتتى راحىمجان وتارباەۆ شىعارماشىلىعىن ناسيحاتتاۋ، زەرتتەۋ ماقساتىندا ادەبي سىن بايقاۋىن جاريالايدى.
بايقاۋدىڭ ماقساتى مەن مىندەتتەرى:
- راحىمجان وتارباەۆتىڭ شىعارماشىلىعىن تالداۋ، ناسيحاتتاۋ;
- ادەبي قۇندىلىعىن انىقتاۋ;
- جاس سىنشى-ادەبيەتشىلەردى قولداۋ;
- راحىمجان وتارباەۆتىڭ شىعارمالارى ارقىلى وقىرماننىڭ تالعامىن قالىپتاستىرۋ.
قاتىسۋ شارتتارى:
- بايقاۋعا جىبەرىلەتىن ماتەريالدار كونكۋرس جاريالانعاننان كەيىن جازىلۋى شارت ءارى بۇرىن ەش جەردە جارىق كورمەگەن بولۋى كەرەك;
- راحىمجان وتارباەۆتىڭ ەكى جانرداعى كەز كەلگەن ەڭبەگىن ادەبي سىن تۇرعىسىندا تالداپ، باعاسىن بەرۋ;
- بايقاۋعا 18-45 جاس ارالىعىنداعى كاسىبي ادەبيەتشى-سىنشىلار قاتىسا الادى.
- بايقاۋعا جولدانعان جۇمىستار مىنا ەلەكتروندى مەكەن جايعا جىبەرىلۋى ءتيىس: Rahimzhanruhaniat@mail.ru
جۇمىستار 2020 جىلدىڭ 3 اقپانىنان وسى جىلدىڭ 1 ساۋىرىنە دەيىن قابىلدانادى.
بايقاۋعا كەلىپ تۇسكەن ماقالالار «Qalamger.kz» ادەبي-تانىمدىق پورتالىنداعى «ونلاين بايقاۋ» بولىمىندە اشىق تۇردە جاريالانىپ وتىرادى.
ماراپاتتاۋ ءراسىمى 2020 جىلدىڭ ءساۋىر ايىندا اتىراۋ قالاسىندا وتەدى.
پورتالدا جاريالانعان جۇمىستاردى تالقىلاۋ، پىكىر ايتۋ بارىسىندا ەتيكالىق نورمالار ساقتالۋى قاداعالانادى.
بايقاۋدىڭ جۇلدە قورى
پروزا
I ورىن – 1 000 000 (ميلليون تەڭگە)
II ورىن – 500 000 (بەس ءجۇز مىڭ تەڭگە)
III ورىن – 300 000 ء(ۇش ءجۇز مىڭ تەڭگە)
ىنتالاندىرۋ سىيلىعى (ەكەۋ) – 100 000 ء(جۇز مىڭ تەڭگەدەن
دراماتۋرگيا
I ورىن – 1 000 000 (ميلليون تەڭگە)
II ورىن – 500 000 (بەس ءجۇز مىڭ تەڭگە)
III ورىن – 300 000 ء(ۇش ءجۇز مىڭ تەڭگە)
ىنتالاندىرۋ سىيلىعى (ەكەۋ) – 100 000 ء(جۇز مىڭ تەڭگەدەن)
