Atyraý oblysy ákimdiginiń qoldaýymen «Rahymjan Otarbaevtyń Rýhanııat Qory» jeke qory uıymdastyrǵan ádebı syn baıqaýynyń
E R E J E S I
Atyraý oblysy ákimdigi qoldaýymen «Rýhanı jańǵyrý: bolashaqqa baǵdar» jalpyulttyq jobasy aıasynda «Rahymjan Otarbaevtyń Rýhanııat Qory» jeke qory dramatýrgııa, proza salalary boıynsha synshy, ádebıetshiler arasynda «Rahymjan Otarbaev shyǵarmashylyǵy. Ádebı syn» atty Rahymjan Otarbaev shyǵarmashylyǵyn nasıhattaý, zertteý maqsatynda ádebı syn baıqaýyn jarııalaıdy.
Baıqaýdyń maqsaty men mindetteri:
- Rahymjan Otarbaevtyń shyǵarmashylyǵyn taldaý, nasıhattaý;
- Ádebı qundylyǵyn anyqtaý;
- Jas synshy-ádebıetshilerdi qoldaý;
- Rahymjan Otarbaevtyń shyǵarmalary arqyly oqyrmannyń talǵamyn qalyptastyrý.
Qatysý sharttary:
- Baıqaýǵa jiberiletin materıaldar konkýrs jarııalanǵannan keıin jazylýy shart ári buryn esh jerde jaryq kórmegen bolýy kerek;
- Rahymjan Otarbaevtyń eki janrdaǵy kez kelgen eńbegin ádebı syn turǵysynda taldap, baǵasyn berý;
- Baıqaýǵa 18-45 jas aralyǵyndaǵy kásibı ádebıetshi-synshylar qatysa alady.
- Baıqaýǵa joldanǵan jumystar myna elektrondy meken jaıǵa jiberilýi tıis: Rahimzhanruhaniat@mail.ru
Jumystar 2020 jyldyń 3 aqpanynan osy jyldyń 1 sáýirine deıin qabyldanady.
Baıqaýǵa kelip túsken maqalalar «Qalamger.kz» ádebı-tanymdyq portalyndaǵy «onlaın baıqaý» bóliminde ashyq túrde jarııalanyp otyrady.
Marapattaý rásimi 2020 jyldyń sáýir aıynda Atyraý qalasynda ótedi.
Portalda jarııalanǵan jumystardy talqylaý, pikir aıtý barysynda etıkalyq normalar saqtalýy qadaǵalanady.
BAIQAÝDYŃ JÚLDE QORY
PROZA
I oryn – 1 000 000 (mıllıon teńge)
II oryn – 500 000 (bes júz myń teńge)
III oryn – 300 000 (úsh júz myń teńge)
Yntalandyrý syılyǵy (ekeý) – 100 000 (júz myń teńgeden
DRAMATÝRGIIa
I oryn – 1 000 000 (mıllıon teńge)
II oryn – 500 000 (bes júz myń teńge)
III oryn – 300 000 (úsh júz myń teńge)
Yntalandyrý syılyǵy (ekeý) – 100 000 (júz myń teńgeden)
