ءبىرىنشى ورتا سالماقتا WBC ازيا جانە WBC Youth World بەلبەۋلەرىنىڭ يەگەرى قازاقستاندىق بوكسشى سادريددين احمەدوۆتىڭ (11-0, 10 كو) كەزەكتى جەكپە-جەگى كەيىنگە شەگەرىلدى. بۇل جايىندا Prosports.kz حابارلادى.
بۇل تۋرالى بوكسشى Instagram جەلىسىندە حابارلادى.
«قازاق ساربازىنىڭ» 12 ناۋرىز كۇنى مونرەالدا (كانادا) وتەدى دەپ جوسپارلانعان جەكپە-جەگى كەيىنگە قالدىرىلدى. بۇعان سپورتشىنىڭ جاراقات الىپ قالۋى سەبەپ بولعان.
- وكىنشىكە وراي 12 ناۋرىزعا جوسپارلانعان جەكپە-جەك كىشىگىرىم جاراقاتىما بايلانىستى كەيىنگە شەگەرىلدى. اللا قالاسا كەزدەسۋدى كەلەسى ايعا جوسپارلاۋىمىز مۇمكىن، - دەپ جازدى بوكسشى.
ايتا كەتەيىك، سادريددين احمەدوۆ سوڭعى جەكپە-جەگىندە ارگەنتينالىق حوسە انتونيو ۆيليالوبوستى (12-6-2, 7 كو) 7-راۋندتا نوكاۋتپەن جەڭگەن بولاتىن.
ۇقساس جاڭالىقتار
