2016 جىلى، 20 ءساۋىر كۇنى، 19.00 «ادىرنا» قورى الماتىداعى ع.مۇسىرەپوۆ اتىنداعى بالالار مەن جاسوسپىرىمدەر تەاترىندا بالۋان شولاق بايمىرزاۇلىنىڭ جەكە شىعارماشىلىعىنان ء"ۇش جۇزگە اتىم ءمالىم بالۋان شولاق" اتتى ءان كەشىن وتكىزۋدى جوسپارلاپ وتىر.
«ادىرنا» ۇلتتىق-ەتنوگرافيالىق بىرلەستىگى» قوعامدىق قورى 2010 جىلدان بەرى ءداستۇرلى ءان-كۇي كەشتەرىن ۇيىمداستىرىپ كەلەدى. اتاپ ايتساق، ءبىرجان سال (2010), اقان سەرى (2010), مۇحيت (2011), ۇكىلى ىبىراي (2012), جاياۋ مۇسا (2013), ساكەن سەيفۋللين (2014) اندەرىنەن جەكە-جەكە كونتسەرتتەر، تاۋەلسىزدىك جولىندا قۇربان بولعان كومپوزيتورلار شىعارماشىلىعى بويىنشا «ازات رۋحتىڭ الداسپاندارى» (2012) كونتسەرتى، جىلقى تۋرالى اندەر مەن كۇيلەرگە نەگىزدەلگەن «ءدۇلدۇل ءان مەن پىراق كۇي» (2014) اتتى كونتسەرتىن ۇيىمداستىرعان ەدىك. «ۇلى دالا داۋىلپازدارى» جوباسىنىڭ اياسىندا، «ادىرنا» ۇلتتىق-ەتنوگرافيالىق بىرلەستىگى» قوعامدىق قورى 2016 جىلى، 20 ءساۋىر كۇنى الماتىداعى ع.مۇسىرەپوۆ اتىنداعى بالالار مەن جاسوسپىرىمدەر تەاترىندا بالۋان شولاق بايمىرزاۇلىنىڭ جەكە شىعارماشىلىعىنان ءداستۇرلى ءان كەشىن وتكىزۋدى جوسپارلاپ وتىر. كونتسەرتتە بالۋان شولاق ومىرىنەن قىسقاشا قويىلىم كورسەتىلەدى. ناقتىراق ايتساق، بەلگىلى رەجيسسەر ەسمۇقان وباەۆتىڭ «جاۋجۇرەك» سپەكتالىنەن ءۇزىندى بەرىلمەك. ساحنا كوركەم كوكشەتاۋدىڭ اسەم تابيعاتى ۇلگىسىندە بەزەندىرىلەدى. كونتسەرتتىڭ تاعى ءبىر باستى ەرەكشەلىگى – بالۋان شولاق بابامىزدىڭ مۇلدە بەيمالىم اندەرى تۇڭعىش رەت ۇلكەن ساحنادا ورىندالاتىن بولادى. ءان كەشىنە عالىم مۇحامەدين، جولامان قۇجيمانوۆ، رامازان ستامعازيەۆ، ەرلان تولەۋتاي، ەركىن شۇكىمانوۆ، تىلەۋلەس قۇرمانعاليەۆ، ەركىن نۇرحانوۆ، تالعات مۇقىشەۆ، سايان اقمولدا، نۇرگۇل اكىمقوجينا، تالعات ابۋعازى، «ارناۋ» فولكلورلىق ءانسامبلى، سايات نۇرعازين، جاسۇلان ساقاەۆ جانە تاعى باسقا ونەرپازدار قاتىسادى.
بايلانىس:
87007779086, adyrna@bk.ru
ءان كەشى تۋرالى سۇحبات الۋعا ۇيىمداستىرۋشى انشىلەر:
جولامان قۇجيمانوۆ 87773661210
ەرلان تولەۋتاي 87013249471
