دۋلات اعەدىلدىڭ جەرلەۋىنەن قايتقان ادامداردى نۇر-سۇلتان قالاسىندا پوليتسيا ۇستاعان. بۇل تۋرالى vlast.kz جازادى.
پوليتسيا 7 ادامدى ۇستاعان. باسىلىم بۇل دەرەكتى بەلسەندى ءارى ۇستالعانداردىڭ ءبىرى بيبىگۇل تۇياقوۆانىڭ الەۋمەتتىك جەلىدە جاريالاعان ۆيدەوسىنا سۇيەنە وتىرىپ جازادى.
«ءبىز اۆتوزاكتامىز. جەتى ادامبىز. ءبارىمىزدى پوليتسياعا اپارا جاتىر. كەيبىر ادامداردىڭ ۇيالى تەلەفونىن الىپ قويدى. ءبىز جەرلەۋدەن سوڭ تالاپكەر اۋىلىنان قالاعا كەلگەنبىز” دەگەن تۇياقوۆا.
ساياسي بەلسەندى دۋلات اعەدىلدى ۇيىنەن ازاماتتىق كيىم كيگەن ءبىر توپ ادام ۇستاپ، كولىككە وتىرعىزىپ الىپ كەتكەن. كەيىن ءىىم “بەلسەندى جۇرەگى قىسىلىپ قايتىس بولدى” دەپ حابار تاراتتى.
دۋلات اعەدىلدى جەرلەۋ بۇگىن، 27 اقپاندا بولدى. وعان مىڭعا جۋىق ادام قاتىسقان.
