نيۋ-يورك قالاسىنىڭ مانحەتتەن ورتالىعىندا ورنالاسقان ءزاۋلىم عيماراتتا اتىس بولدى. بۇل تۋرالى BBC اگەنتتىگى جاريالادى، دەپ حابارلايدى “ادىرنا”.
وقيعا پارك-اۆەنيۋ داڭعىلىندا ورنالاسقان 44 قاباتتى عيماراتتا بولعان. عيماراتتا Blackstone قارجى كومپانياسىنىڭ، اقش ۇلتتىق فۋتبول ليگاسىنىڭ (NFL) جانە باسقا دا ءىرى ۇيىمداردىڭ شتاب-پاتەرلەرى ورنالاسقان.
CBS News تەلەارناسىنىڭ مالىمەتىنشە، اتىس كەزىندە ءبىر پوليتسەي مەن ونىڭ ارىپتەسى قازا تاپقان، ال ەكى بەيبىت تۇرعىن اۋىر جارالانعان. ال CNN جانە Fox News تەلەارنالارىنىڭ حابارلاۋىنشا، كەمىندە بەس ادام كوز جۇمعان، ولاردىڭ اراسىندا شابۋىلداۋشىنىڭ ءوزى دە بار.
قازا بولعاندار سانىنا قاتىستى پوليتسيا مەن جەرگىلىكتى بيلىك ازىرگە رەسمي مالىمدەمە جاساعان جوق.
نيۋ-يورك مەرى ەريك ادامس ۆيدەوۇندەۋىندە اتىس بارىسىندا «كوپتەگەن ادامدار جاراقات الدى» دەپ مالىمدەدى.
