ۇلىستىڭ ۇلى كۇنى مەن حالىقارالىق تەاتر كۇنىندە ع.مۇسىرەپوۆ اتىنداعى قازاق مەملەكەتتىك اكادەميالىق بالالار مەن جاسوسپىرىمدەر تەاترىندا تۇڭعىش رەت ۇيىمداستىرىلىپ وتىرعان «التىن ساقا» اتتى بالالار سپەكتاكلدەرى فەستيۆالىنىڭ اشىلۋىنا وراي ءباسپاسوز كونفەرەنتسياسى وتەدى.
مەرەكەلىك ءىس-شارانىڭ ماقساتى – «بالا تاربيەسى – بۇل اتا-انالاردىڭ ەرەكشە ازاماتتىق بورىشى» دەپ ن.ءا.نازارباەۆ ايتقانداي بالا تاربيەسى قاشاندا ماڭىزدى مىندەتتەرىمىزدىڭ ءبىرى بولىپ تابىلادى. ال، ەرتەگىنىڭ تەاتر قويىلىمدارى ارقىلى ساحنادا كورىنىس تابۋى – جاس ۇرپاققا رۋحاني، پاتريوتتىق تاربيە بەرۋدە ماڭىزى وراسان. تەاترىمىزدىڭ 70 جىلدىق مەرەيتويى قارساڭىندا، العاش رەت «التىن ساقا» اتتى بالالار سپەكتاكلدەرىنىڭ فەستيۆالى ۇيىمداستىرىلىپ وتىر. فەستيۆالدە ءبايدىلدا قالتاەۆ اتىنداعى «ەڭ ۇزدىك ەر ادام بەينەسى ءۇشىن»، اققاعاز مامبەتوۆا اتىنداعى «ەڭ ۇزدىك ايەل بەينەسى ءۇشىن»، قاسىم جاكىباەۆ اتىنداعى «ەڭ ۇزدىك قوسالقى رولدەگى ەر ادام بەينەسى ءۇشىن»، ءامينا ومىرزاقوۆا اتىنداعى «ەڭ ۇزدىك قوسالقى رولدەگى ايەل بەينەسى ءۇشىن»، «ەڭ ۇزدىك ەپيزودتىق ءرول»، «ەپيزودتىق رولدەگى اكتەرلىق شەبەرلىگى ءۇشىن»، «كورەرمەندەر كوزايىمى»، «ەڭ ۇزدىك دەبيۋت» نوميناتسيالارى بويىنشا ماراپاتتاۋ ءراسىمى وتكىزىلەدى. جۇلدەلەردى قازىلار القاسى مۇشەلەرى مەن ارنايى شاقىرتىلعان قوناقتار تابىستايدى. ءباسپاسوز كونفەرەنتسياسىنىڭ نەگىزگى بولىمىنەن كەيىن، فەستيۆالدىڭ العاشقى سپەكتاكلى نازارلارىڭىزعا ۇسىنىلادى.
بايانداماشىلار قاتارىندا:
ع.مۇسىرەپوۆ اتىنداعى قازاق مەملەكەتتىك اكادەميالىق بالالار مەن جاسوسپىرىمدەر تەاترىنىڭ ديرەكتورى – ابدىقالىقوۆ ءسابيت ءابدىمۇتالىۇلى;
ع.مۇسىرەپوۆ اتىنداعى قازاق مەملەكەتتىك اكادەميالىق بالالار مەن جاسوسپىرىمدەر تەاترىنىڭ كوركەمدىك جەتەكشىسى، قر ەڭبەك سىڭىرگەن ءارتيسى، «قۇرمەت» وردەنىنىڭ يەگەرى – احمانوۆ مۇرات نويانبايۇلى;
تەاترىمىزدىڭ اكتريساسى، قازاقستاننىڭ حالىق ءارتيسى – روزا اشىربەكوۆا;
تەاتردىڭ ادەبيەت ءبولىمى مەڭگەرۋشىسى، حالىقارالىق الاش ادەبي سىيلىعىنىڭ يەگەرى – باقىت بەدەلحان.
جۋرناليستەرگە اقپارات:
وتەتىن ورنى: ع.مۇسىرەپوۆ اتىنداعى قازاق مەملەكەتتىك اكادەميالىق بالالار مەن جاسوسپىرىمدەر تەاترى، ابىلاي حان كوشەسى، 38.
وتەتىن ۋاقىتى: 24.03.2016 جىل، ساعات 10:00
بايلانىس تەلەفوندارى: 2732248
87019050575 مايا
87026011557 گۇلناز
