قازاقستان رەسپۋبليكاسى ۇلتتىق مۋزەيىندە ۇلىستىڭ ۇلى كۇنىن اتاپ وتۋگە ارنالعان «ناۋرىز-دۋمان» مەرەكەلىك ءىس-شاراسى ءوتتى، دەپ حابارلايدى ۇلتتىق مۋزەيدىڭ اقپاراتتىق-يميدجدىك قىزمەتى.
ءىس-شاراعا بەلگىلى قوعام قايراتكەرلەرى، عالىمدار، ەتنوگرافتار قاتىسىپ، ۇلتتىق مۋزەيگە جينالعان قاۋىمدى مەرەكەمەن قۇتتىقتادى.
قوناقتار اقىندار ايتىسىن تاماشالاپ، مۋزەي قىزمەتكەرلەرىنىڭ ونەرپازدارى ۇسىنعان كونتسەرتتىك باعدارلاماعا قاتىستى. سونىمەن قاتار ارنايى تىگىلگەن كيىز ۇيدەگى داستارحاننان ءدام تاتتى.
مەرەكەلىك ءىس-شارا اياسىندا ۇلتتىق ويىن تۇرلەرى ۇلىقتالىپ، ءاز ناۋرىز مەرەكەسىنىڭ اتريبۋتى رەتىندە جاسالعان «جولتەرەك» جوباسىنىڭ تانىستىرىلىمى ءوتتى.
ايتا كەتەيىك، شارانىڭ باستى ماقساتى – امال مەيرامىن اتاپ ءوتۋ ارقىلى ءداستۇرلى رۋحاني قۇندىلىقتارىمىزدى كەڭىنەن ناسيحاتتاۋ بولىپ تابىلادى.
