Qazaqstan Respýblıkasy Ulttyq mýzeıinde Ulystyń uly kúnin atap ótýge arnalǵan «Naýryz-Dýman» merekelik is-sharasy ótti, dep habarlaıdy Ulttyq mýzeıdiń aqparattyq-ımıdjdik qyzmeti.
Is-sharaǵa belgili qoǵam qaıratkerleri, ǵalymdar, etnograftar qatysyp, Ulttyq mýzeıge jınalǵan qaýymdy merekemen quttyqtady.
Qonaqtar aqyndar aıtysyn tamashalap, mýzeı qyzmetkerleriniń ónerpazdary usynǵan konerttik baǵdarlamaǵa qatysty. Sonymen qatar arnaıy tigilgen kıiz úıdegi dastarhannan dám tatty.
Merekelik is-shara aıasynda ulttyq oıyn túrleri ulyqtalyp, áz Naýryz merekesiniń atrıbýty retinde jasalǵan «Jolterek» jobasynyń tanystyrylymy ótti.
Aıta keteıik, sharanyń basty maqsaty – Amal meıramyn atap ótý arqyly dástúrli rýhanı qundylyqtarymyzdy keńinen nasıhattaý bolyp tabylady.
