فوتو: اشىق دەرەككوزدەن
بۇل تۋرالى وبلىس اكىمدىگى دە، اۋدان اكىمدىگى دە رەسمي مالىمەت بەرمەي وتىر
شىعىس قازاقستان وبلىسىندا كوروناۆيرۋس جۇقتىرعان قىتايلاردى اۋرۋحاناعا جاتقىزۋ تۋرالى فەيك اقپارات تاراعاننان كەيىن حالىقتىڭ نارازىلىعى تىيىلار ەمەس. سونىمەن قاتار جەرگىلىكتى تۇرعىندار شىعىس قازاقستان وبلىسىندا جۇمىس ىستەيتىن 40-قا جۋىق قىتاي ازاماتىن وتانىنا دەپورتاتسيالاۋدى سۇرادى، دەپ حابارلايدى Azattyq Rýhy.
«سارسەنبى كۇنى زايسان اۋدانىنىڭ ەكى اۋىلىندا باستالعان كىشىگىرىم نارازىلىقتىڭ ارتى اقجار اۋىلىنا دا تارايتىنىن ەشكىم بولجاعان جوق. اقجاردا كوروناۆيرۋس جۇقتىرعان ەكى قىتاي ازاماتىنىڭ اۋرۋحاناعا جاتقىزىلعانى تۋرالى جالعان اقپارات تارادى. زايسان اۋىلدارىندا بولعان جاعداي تارباعاتاي اۋدانىندا دا قايتالانىپ جاتىر. جالعان اقپارات ءۇشىن اشىنعان حالىق اكىمدىكتەن شىندىقتى ايتۋىن نەمەسە قاۋىپسىزدىك شارالارىن قولعا الۋىن سۇراۋدا»، - دەپ جازادى اۆتور.
ونىڭ جازۋىنشا، اۋدان اكىمى حالىقپەن اشىق ديالوگ ورناتۋعا تىرىسپاي، كابينەتىنەن شىقپاۋدى ءجون كورگەن.
«شىعىس قازاقستان وبلىسىنىڭ تۇرعىندارى قىتايمەن شەكارادا بولعاندىقتان، الاڭسىز ۇيىقتاي الماي ءجۇر. ولار وزدەرى ءۇشىن، وتباسى مەن بالالارى ءۇشىن الاڭدايدى. ال كەشە زايسان اۋدانىندا اۋداندىق قۇقىق قورعاۋ ورگاندارىنىڭ ارنايى ءبولىمىنىڭ جەكە قۇرامى كۇشەيتىلدى. قازىر ەڭ باستىسى – قورقىنىشتى باسۋ، جەرگىلىكتى حالىق اراسىندا كوروناۆيرۋس پروفيلاكتيكاسى بويىنشا اقپاراتتىق كامپانيا جۇرگىزۋ»، - دەپ جازادى ەكاتەرينا گۋلياەۆا.
تارباعاتاي اۋدانىنداعى وقيعالار تۋرالى وبلىس پەن اۋدان اكىمدىگى رەسمي اقپارات بەرمەي، ءۇنسىز وتىر.
