Foto: ashyq derekkózden
Bul týraly oblys ákimdigi de, aýdan ákimdigi de resmı málimet bermeı otyr
Shyǵys Qazaqstan oblysynda koronavırýs juqtyrǵan qytaılardy aýrýhanaǵa jatqyzý týraly feık aqparat taraǵannan keıin halyqtyń narazylyǵy tyıylar emes. Sonymen qatar jergilikti turǵyndar Shyǵys Qazaqstan oblysynda jumys isteıtin 40-qa jýyq Qytaı azamatyn otanyna deportaııalaýdy surady, dep habarlaıdy Azattyq Rýhy.
«Sársenbi kúni Zaısan aýdanynyń eki aýylynda bastalǵan kishigirim narazylyqtyń arty Aqjar aýylyna da taraıtynyn eshkim boljaǵan joq. Aqjarda koronavırýs juqtyrǵan eki qytaı azamatynyń aýrýhanaǵa jatqyzylǵany týraly jalǵan aqparat tarady. Zaısan aýyldarynda bolǵan jaǵdaı Tarbaǵataı aýdanynda da qaıtalanyp jatyr. Jalǵan aqparat úshin ashynǵan halyq ákimdikten shyndyqty aıtýyn nemese qaýipsizdik sharalaryn qolǵa alýyn suraýda», - dep jazady avtor.
Onyń jazýynsha, aýdan ákimi halyqpen ashyq dıalog ornatýǵa tyryspaı, kabınetinen shyqpaýdy jón kórgen.
«Shyǵys Qazaqstan oblysynyń turǵyndary Qytaımen shekarada bolǵandyqtan, alańsyz uıyqtaı almaı júr. Olar ózderi úshin, otbasy men balalary úshin alańdaıdy. Al keshe Zaısan aýdanynda aýdandyq quqyq qorǵaý organdarynyń arnaıy bóliminiń jeke quramy kúsheıtildi. Qazir eń bastysy – qorqynyshty basý, jergilikti halyq arasynda koronavırýs profılaktıkasy boıynsha aqparattyq kampanııa júrgizý», - dep jazady Ekaterına Gýlıaeva.
Tarbaǵataı aýdanyndaǵy oqıǵalar týraly oblys pen aýdan ákimdigi resmı aqparat bermeı, únsiz otyr.
