تۇركىستان وبلىسىندا سارباز قارۋ-جاراق الىپ، اسكەردەن قاشىپ كەتكەن. اسكەري بولىمدە قارۋ جاراقتىڭ جوعالعانۋىنا بايلانىستى قىلمىستىق ءىس قوزعالدى، - دەپ حابارلايدى Otyrar.kz.بادام اۋىلىندا ورنالاسقان اسكەري ءبولىم ماڭىندا جەرگىلىكتى تۇرعىندار كوپتەگەن اسكەري مەن پوليتسەيدى بايقاعان.
باس اسكەري پروكۋراتۋرانىڭ ءباسپاسوز قىزمەتى قارۋ-جاراقتىڭ جوعالۋ دەرەگى بويىنشا قىلمىستىق ءىس قوزعالعانىن حابارلادى. بۇل اقپاراتتى شىمكەنت گارنيزونى باستىعىنىڭ ورىنباسارى ەرمەك شالباەۆ راستادى.
ەسكە سالايىق، تۇركىستان وبلىسىندا سارباز قارۋ-جاراق الىپ، اسكەردەن قاشىپ كەتكەن. 20 اقپانعا قاراعان ءتۇنى كىشى سەرجانت قىزمەتتىك ورنىنان ءوز ەركىمەن كەتىپ قالعان.
"سول ۋاقىتتا اتىس قارۋىنىڭ سانى ازايعانى بەلگىلى بولدى. قۇقىق قورعاۋ ورگاندارى مەن اسكەري پوليتسيا كۇشىمەن اسكەري قىزمەتكەر مەن جوعالعان قارۋلاردى ىزدەۋ جانە ۇستاۋ بويىنشا شۇعىل شارالارى ءجۇرىپ جاتىر", - دەدى ۆەدومستۆوداعىلار.
Tengrinews.kz وقىرماندارى رەداكتسيانىڭ WhatsApp-نومىرىنە جىبەرگەن مالىمەت بويىنشا، وقيعا №10216 اسكەري بولىمىندە بولعان. بۇل شىمكەنتتەن 30 شاقىرىم جەردەگى بادام اۋىلى.
سول حابارلامادا 20 اقپانعا قاراعان ءتۇنى كىشى سەرجانتتىڭ قىزمەت ورنىن ءوز ەركىمەن تاستاپ كەتكەنى ايتىلادى. ول وزىمەن بىرگە 30 كالاشنيكوۆ اۆتوماتى مەن 27 ماكاروۆ تاپانشاسىن جانە 429 وق-ءدارى الىپ كەتكەن دەلىنەدى.
tengrinews.kz
