قازاقستاندا كوروناۆيرۋسقا بايلانىستى ەرەكشە رەجيم ەنگىزىلدى

3558
Adyrna.kz Telegram

 دەنساۋلىق ساقتاۋ مينيسترلىگى كوروناۆيرۋستىڭ الدىن الۋعا بايلانىستى ەرەكشە رەجيم ەنگىزدى، دەپ حابارلايدى Sputnik قازاقستان تىلشىسى.

تاۋارلار مەن قىزمەتتەردىڭ ساپاسىن باقىلاۋ كوميتەتى توراعاسىنىڭ ورىنباسارى نۇرقان سادۋاقاسوۆتىڭ ايتۋىنشا، باس سانيتارلىق دارىگەر كوروناۆيرۋستىڭ الدىن الۋ شارالارىن كۇشەيتۋگە ارنالعان قاۋلىعا قول قويدى. وعان سايكەس، 20 اقپاننان باستاپ كوروناۆيرۋسقا شالدىعۋ جاعدايى بار مەملەكەتتەردەن كەلەتىندەردىڭ ءبارىن باقىلاۋعا الاتىن بولادى. ونداي ازاماتتاردى ءۇش توپقا ءبولىپ تىركەيدى.

ء"بىرىنشى توپقا قىتايدان كەلەتىن ادامدار كىرەدى. ولاردىڭ ءبارىن 14 كۇنگە كارانتينگە جاتقىزاتىن بولادى. وقشاۋلانعان ستانتسيونارلار دايىن. ول جەردە 4 400 كەرەۋەت قويىلعان. ال ەكى اپتالىق كارانتيننەن كەيىن دارىگەرلەر ولاردى تاعى ون كۇندەي ۇيدە قاراپ جۇرەدى", - دەدى سادۋاقاسوۆ استانادا وتكەن ءباسپاسوز ءماسليحاتىندا.

ەكىنشى توپقا كوروناۆيرۋسقا شالدىعۋدىڭ 10-نان استام جاعدايى تىركەلگەن ەلدەر كىرەدى. وسى ساناتتاعى مەملەكەتتەردەن قازاقستانعا كەلگەن ازاماتتار بىردەن ۇيدەگى كارانتينگە وتىرعىزىلادى. دارىگەرلەر ولاردى ەكى اپتاداي باقىلايدى، ودان كەيىن ون كۇندەي تەلەفون ارقىلى حابارلاسىپ تۇرادى.

ء"ۇشىنشى توپ – ول كوروناۆيرۋستىڭ 10-نان كەم جاعدايى تىركەلگەن مەملەكەتتەر. ونداي ەلدەردەن كەلگەن ازاماتتار تۇرعىلىقتى جەرى بويىنشا باقىلاۋعا الىنادى. دارىگەرلەر 24 كۇن بويى ولارعا حابارلاسىپ، دەنساۋلىعىن ءبىلىپ وتىرادى.

ايتا كەتەر جايت، وسى رەجيمدى بۇزعانى ءۇشىن اكىمشىلىك جازا، ياعني مەملەكەتتىك ورگانداردىڭ تالابىن ورىنداماعانى ءۇشىن جاۋاپكەرشىلىك قاراستىرىلعان. تالاپتى ورىنداماعاندارعا ايىپپۇل سالىنادى.

 

پىكىرلەر