Rejimdı būzǧany üşın äkımşılık jaza, iaǧni memlekettık organdardyŋ talabyn oryndamaǧany üşın jauapkerşılık qarastyrylǧan
Densaulyq saqtau ministrlıgı koronavirustyŋ aldyn aluǧa bailanysty erekşe rejim engızdı, dep habarlaidy Sputnik Qazaqstan tılşısı.
Tauarlar men qyzmetterdıŋ sapasyn baqylau komitetı töraǧasynyŋ orynbasary Nūrqan Säduaqasovtyŋ aituynşa, bas sanitarlyq därıger koronavirustyŋ aldyn alu şaralaryn küşeituge arnalǧan qaulyǧa qol qoidy. Oǧan säikes, 20 aqpannan bastap koronavirusqa şaldyǧu jaǧdaiy bar memleketterden keletınderdıŋ bärın baqylauǧa alatyn bolady. Ondai azamattardy üş topqa bölıp tırkeidı.
"Bırınşı topqa Qytaidan keletın adamdar kıredı. Olardyŋ bärın 14 künge karantinge jatqyzatyn bolady. Oqşaulanǧan stansionarlar daiyn. Ol jerde 4 400 kereuet qoiylǧan. Al ekı aptalyq karantinnen keiın därıgerler olardy taǧy on kündei üide qarap jüredı", - dedı Säduaqasov astanada ötken baspasöz mäslihatynda.
Ekınşı topqa koronavirusqa şaldyǧudyŋ 10-nan astam jaǧdaiy tırkelgen elder kıredı. Osy sanattaǧy memleketterden Qazaqstanǧa kelgen azamattar bırden üidegı karantinge otyrǧyzylady. Därıgerler olardy ekı aptadai baqylaidy, odan keiın on kündei telefon arqyly habarlasyp tūrady.
"Üşınşı top – ol koronavirustyŋ 10-nan kem jaǧdaiy tırkelgen memleketter. Ondai elderden kelgen azamattar tūrǧylyqty jerı boiynşa baqylauǧa alynady. Därıgerler 24 kün boiy olarǧa habarlasyp, densaulyǧyn bılıp otyrady.
Aita keter jait, osy rejimdı būzǧany üşın äkımşılık jaza, iaǧni memlekettık organdardyŋ talabyn oryndamaǧany üşın jauapkerşılık qarastyrylǧan. Talapty oryndamaǧandarǧa aiyppūl salynady.
