نۇرسۇلتان نازارباەۆ حالىقارالىق اۋەجايىندا 31 اۆيارەيس كەشىكتىرىلدى

2104

نۇرسۇلتان قالالىق توتەنشە جاعدايلار دەپارتامەنتىنىڭ حابارلاۋىنشا، نازارباەۆ حالىقارالىق اۋەجايىندا اۋا رايىنىڭ قولايسىزدىعىنا بايلانىستى قازىرگى ۋاقىتتا 31 اۆيارەيس كەشىكتىرىلدى.

اۋە كەمەسىنىڭ باسقا قالالاردان كەش كەلۋى جانە باراتىن اۋەجايداعى ناشار مەتەوجاعدايلار سەبەبىنەن ۇشىپ كەلۋى ءتيىس 16 رەيس كەشىگۋدە:

- Air Astana اۆياكومپانياسىنىڭ 8 رەيسى (ونىڭ ىشىندە تاشكەنت، سانكت-پەتەربۋرگ جانە شارم-ەل-شەيح قالالارىنان حالىقارالىق رەيستەرى);
- SCAT اۆياكومپانياسىنىڭ وسكەمەن جانە شىمكەنت قالالارىنان 2 رەيسى;
- Qazaq Air اۆياكومپانياسىنىڭ پەتروپاۆل جانە قوستاناي قالالارىنان 2 رەيسى;
- Fly Arystan اۆياكومپانياسىنىڭ شىمكەنت، الماتى جانە قوستاناي قالالارىنان 3 رەيسى;
- Etihad Airways اۆياكومپانياسىنىڭ ءابۋ-ءدابي قالاسىنان 1 رەيسى.

اۋە كەمەسىنىڭ باسقا قالالاردان كەش كەلۋى جانە ۇشىپ شىعاتىن اۋەجايداعى اۋا رايىنىڭ ناشارلاۋى سەبەبىنەن ۇشىپ شىعۋى ءتيىس 15 رەيس كەشىگۋدە:

- Air Astana اۆياكومپانياسىنىڭ 7 رەيسى;
- Qazaq Air اۆياكومپانياسىنىڭ اقتوبە جانە قوستاناي قالالارىنا 2 رەيسى;
-Fly Arystan اۆياكومپانياسىنىڭ شىمكەنت، الماتى جانە قوستاناي قالالارىنا 3 رەيسى;
-Turkish Airlines اۆياكومپانياسىنىڭ ىستامبۇلعا،​ Etihad Airways اۆياكومپانياسىنىڭ ءابۋ-دابيگە جانە FlyDubai اۆياكومپانياسىنىڭ دۋباي قالاسىنا ۇشاتىن رەيستەر كەشىكتىرىلدى.

قاتتى جەلگە (سەكۋندىنا 15 م جانە ودان جوعارى) بايلانىستى، ۇشۋ قاۋىپسىزدىگى ماقساتىندا اۋە كەمەلەرىن مۇزۋعا قارسى سۇيىقپەن وڭدەۋگە جول بەرىلمەيدى.
نۇرسۇلتان نازارباەۆ حالىقارالىق اۋەجايى شتاتتىق رەجيمدە جۇمىس ىستەيدى.​

ەستەرىڭىزگە سالا كەتەيىك، بۇعان دەيىن ەل اۋماعىنداعى 46 اۆتوجولعا شەكتەۋ قويىلعان بولاتىن.

پىكىرلەر
ۇقساس جاڭالىقتار
Серіктестер/Партнеры
Студия IMA - создание сайтов Доставка цветов Астана - Lova Buket