Nursultan qalalyq tótenshe jaǵdaılar departamentiniń habarlaýynsha, Nazarbaev halyqaralyq áýejaıynda aýa raıynyń qolaısyzdyǵyna baılanysty qazirgi ýaqytta 31 avıareıs keshiktirildi.
Áýe kemesiniń basqa qalalardan kesh kelýi jáne baratyn áýejaıdaǵy nashar meteojaǵdaılar sebebinen ushyp kelýi tıis 16 reıs keshigýde:
- Air Astana avıakompanııasynyń 8 reısi (onyń ishinde Tashkent, Sankt-Peterbýrg jáne Sharm-el-Sheıh qalalarynan halyqaralyq reısteri);
- SCAT avıakompanııasynyń Óskemen jáne Shymkent qalalarynan 2 reısi;
- Qazaq Air avıakompanııasynyń Petropavl jáne Qostanaı qalalarynan 2 reısi;
- Fly Arystan avıakompanııasynyń Shymkent, Almaty jáne Qostanaı qalalarynan 3 reısi;
- Etihad Airways avıakompanııasynyń Ábý-Dábı qalasynan 1 reısi.
Áýe kemesiniń basqa qalalardan kesh kelýi jáne ushyp shyǵatyn áýejaıdaǵy aýa raıynyń nasharlaýy sebebinen ushyp shyǵýy tıis 15 reıs keshigýde:
- Air Astana avıakompanııasynyń 7 reısi;
- Qazaq Air avıakompanııasynyń Aqtobe jáne Qostanaı qalalaryna 2 reısi;
-Fly Arystan avıakompanııasynyń Shymkent, Almaty jáne Qostanaı qalalaryna 3 reısi;
-Turkish Airlines avıakompanııasynyń Ystambulǵa, Etihad Airways avıakompanııasynyń Ábý-Dábıge jáne FlyDubai avıakompanııasynyń Dýbaı qalasyna ushatyn reıster keshiktirildi.
Qatty jelge (sekýndyna 15 m jáne odan joǵary) baılanysty, ushý qaýipsizdigi maqsatynda áýe kemelerin muzýǵa qarsy suıyqpen óńdeýge jol berilmeıdi.
Nursultan Nazarbaev halyqaralyq áýejaıy shtattyq rejımde jumys isteıdi.
Esterińizge sala keteıik, buǵan deıin el aýmaǵyndaǵy 46 avtojolǵa shekteý qoıylǵan bolatyn.
