الاش ازاماتتارىنا اشىق حات!
ءوزىمىز عانا بۇكىل الەم الدىندا قازاق-الاش ەلىنىڭ ابىروي-بەدەلىن قۇتقارا الامىز. سول ءۇشىن وسى جىلى ءاليحان بوكەيحاننىڭ 150 جىلعا تولاتىن مەرەيتويىن حالىقارالىق دەڭگەيدە لايىقتى اتاپ وتۋگە بارشامىز ءبىر كىسىدەي اتسالىسايىق.
ەكى اي بۇرىن يۋنەسكو-نىڭ باس كونفەرەنتسياسى ءاليحاندى «شىنايى بۇكىل الەمدىك داڭقتى تۇلعا»دەپ تانىپ، بيىلعى 150 جىلدىعىنا ارنالعان مەرەيتويلىق ءىس-شارالارعا قاتىسۋى جايىندا قارار قابىلدادى.
ءاليحان بوكەيحان حح عاسىر باسىندا قازاقتىڭ جاڭا ۇلگىدەگى ۇلتتىق مەملەكەتىن قۇرۋمەن قاتار، ونىڭ قازىرگى مەملەكەتتىك شەكاراسىن – قازاقاكسر-نىڭ (1936 جىلدان كەيىن - قازكسر) شەكاراسىن بەلگىلەپ، زاڭداستىرۋ ىسىندە دە تەڭدەسسىز تاريحي رول اتقاردى. وسىلايشا ول قازىرگى قازاقستاننىڭ ىرگەتاسىن قالاپ، بيىل 25-جىلدىعى تويلاناتىن تاۋەلسىزدىگىمىزگە جول سالىپ بەردى.
ا.ن.بوكەيحان كەيىنگى ۇرپاققا تەڭدەسسىز باي مۇرا قالدىردى (مونوگرافيالار، ىرگەلى زەرتتەۋلەر، باياندامالار، اشىق حاتتار، ۇندەۋلەر، ماقالالار، حاتتارجانە ت.ب.). ل.ن.گۋميلەۆ اتىنداعى ەۇۋ-ءى «الاش» عىلىمي-زەرتتەۋ ينستيتۋتى جانە وسى جولداردىڭ اۆتورى ول مۇرانى 25 جىل بويى كسرو جانە قازكسر كگب-سى، رف فقق مەنقر ۇقك، سونداي-اق ماسكەۋ، س.-پەتەربور، قازان، ومبى، سامارا، توم، الماتى، سەمەي، تاشكەنت قالالارىنىڭ مۇراعات-مۋزەي-كىتاپحانالارىنان ىزدەپ، زەرتتەپ كەلەدى. بۇگىن «الاش» ينستيتۋتى «الاشوردا» قورىمەن بىرلەسىپ «ءاليحان بوكەيحان. شىعارمالارىنىڭ 16 (18) تومدىق تولىق جيناعىن»جانە «ءاليحان بوكەيحان: الاش-ورداعا...ەشقانداي سانكتسيا قاجەت ەمەس»اتتى 2-تومدىق مونوگرافيانى باسپاعا دايىندادى. اتالعان كىتاپ پەن كوپتومدىق جيناق قاجەتتى قاراجات تابىلعان كۇنىدەرەۋ جارىق كورەدى.
1917-1920 جىلدارى جاڭا فورماتتا قۇرىلعان الاش قازاق مەملەكەتى قاتارداعى قاراپايىم قازاقتار مەن بايلاردىڭ قارجىسىنا ۇيىمداستىرىلىپ، قىزمەت ىستەگەنىن تاريحىمىزدىڭ ءوزى ايعاقتايدى.
وسى ورايدا، ارداقتى الاش ازاماتتارى، وتانىمىزدىڭ تاريحىنا، جەرىنىڭ، ۇلت ازاتتىعى مەن تاۋەلسىزدىگى جولىندا جانىن قيىپ، قازىرگى قازاقستاننىڭ قالىپتاسۋىنا وشپەس ۇلەس قوسقان تاريحي تۇلعالارعا نەمقۇرايدى قارامايتىن ارقايسىڭىز، ءاليحان بوكەيحاننىڭ ەسىمىن ماڭگىلىك ەستە قالدىرۋعا ۇلەس قوسا الاسىز.
«الاشوردا» قوعامدىق قورى
ين: 000940007148
كبە: 17
ەسەپشوت №: KZ86914398416BC11601 (KZT)
ەسەپشوت №: KZ19914012203US000VR (USD)
قۇرمەتپەن،
سۇلتان حان ءجۇسىپ،
«الاشوردا» قوعامدىق قورىنىڭ ديرەكتورى،
استانا، 01.02.2016 ج.
