پومپەو قازاقستان مەن وزبەكستان سەكىلدى قىتايمەن كورشى ەلدەردىڭ ۆيرۋسقا قارسى تۇراتىن ينفراقۇرىلىمى دايىن ەمەس ەكەنىن اتاپ ءوتتى.
اقش-تىڭ مەملەكەتتىك حاتشىسى مايك پومپەو امەريكا كوروناۆيرۋسپەن كۇرەسۋگە ارنالعان 100 ميلليون دوللار كولەمىندەگى بيۋدجەت قاراجاتى ەسەبىنەن قىتايعا عانا ەمەس، وزگە ەلدەرگە، مىسالى قازاقستان مەن وزبەكستانعا كومەك كورسەتۋگە نيەتتى ەكەنىن ايتتى.
پومپەو قازاقستان مەن وزبەكستان سەكىلدى قىتايمەن كورشى ەلدەردىڭ ۆيرۋسقا قارسى تۇراتىن ينفراقۇرىلىمى دايىن ەمەس ەكەنىن اتاپ ءوتتى. ونىڭ پىكىرىنشە، قاۋىپ-قاتەرگە عالامدىق، ۋاقىتىلى جانە دۇرىس جاۋاپ بەرۋ كەرەك.
«ءبىزدى لايىقتى ينفراقۇرىلىممەن (ۆيرۋستان قورعانۋ ءۇشىن) جابدىقتالماعان جەرلەردىڭ بولۋى الاڭداتىپ وتىر. مەن قىتايمەن شەكارالاس ايماقتاردا، قازاقستان مەن وزبەكستاندا بولدىم، ولاردىڭ دا كوروناۆيرۋس سياقتى كەز كەلگەن اۋقىمدى قاتەرگە توتەپ بەرەتىن مۇمكىندىگى جوق»، – دەدى پومپەو جۋرناليستەرگە بەرگەن سۇحباتىندا.
«ءبىز قولدان كەلگەننىڭ ءبارىن جاسايمىز (ەپيدەميانى توقتاتۋ ءۇشىن). كومەككە 100 ميلليون دوللار ءبولىپ قويدىق. ودان دا كوپ قارجى قاراستىرىلۋى مۇمكىن. ول قىتايعا كومەكتەسۋ ءۇشىن بەرىلەدى، بىراق بۇل قارجى قاۋىپ-قاتەرگە ۋاقىتىلى جانە دۇرىس جاۋاپ بەرەتىنىمىزگە كوز جەتكىزۋ ءۇشىن الەمنىڭ باسقا ەلدەرىندە دە قولدانىلادى»، – دەپ اتاپ ءوتتى پومپەو.
بۇعان دەيىن پومپەو قازاقستانعا ساپارى كەزىندە كوروناۆيرۋستىڭ ەلگە كىرۋىنە جول بەرمەۋ ءۇشىن قازاقستان قابىلداعان شارالارعا تاڭعالعانىن ايتقان بولاتىن.
nege.kz
