Pompeo Qazaqstan men Ózbekstan sekildi Qytaımen kórshi elderdiń vırýsqa qarsy turatyn ınfraqurylymy daıyn emes ekenin atap ótti.
AQSh-tyń memlekettik hatshysy Maık Pompeo Amerıka koronavırýspen kúresýge arnalǵan 100 mıllıon dollar kólemindegi bıýdjet qarajaty esebinen Qytaıǵa ǵana emes, ózge elderge, mysaly Qazaqstan men Ózbekstanǵa kómek kórsetýge nıetti ekenin aıtty.
Pompeo Qazaqstan men Ózbekstan sekildi Qytaımen kórshi elderdiń vırýsqa qarsy turatyn ınfraqurylymy daıyn emes ekenin atap ótti. Onyń pikirinshe, qaýip-qaterge ǵalamdyq, ýaqytyly jáne durys jaýap berý kerek.
«Bizdi laıyqty ınfraqurylymmen (vırýstan qorǵaný úshin) jabdyqtalmaǵan jerlerdiń bolýy alańdatyp otyr. Men Qytaımen shekaralas aımaqtarda, Qazaqstan men Ózbekstanda boldym, olardyń da koronavırýs sııaqty kez kelgen aýqymdy qaterge tótep beretin múmkindigi joq», – dedi Pompeo jýrnalısterge bergen suhbatynda.
«Biz qoldan kelgenniń bárin jasaımyz (epıdemııany toqtatý úshin). Kómekke 100 mıllıon dollar bólip qoıdyq. Odan da kóp qarjy qarastyrylýy múmkin. Ol Qytaıǵa kómektesý úshin beriledi, biraq bul qarjy qaýip-qaterge ýaqytyly jáne durys jaýap beretinimizge kóz jetkizý úshin álemniń basqa elderinde de qoldanylady», – dep atap ótti Pompeo.
Buǵan deıin Pompeo Qazaqstanǵa sapary kezinde koronavırýstyń elge kirýine jol bermeý úshin Qazaqstan qabyldaǵan sharalarǵa tańǵalǵanyn aıtqan bolatyn.
nege.kz
