دەنساۋلىق ساقتاۋ ءمينيسترى ەلجان ءبىرتانوۆتىڭ حابارلاۋىنشا، تاعى 217 قازاقستاندىق قىتايدان ەۆاكۋاتسيالاندى.
"ولاردىڭ بارلىعى قازىر مەديتسينالىق مەكەمەلەردە تەكسەرىلىپ جاتىر. ولاردىڭ اراسىندا كورواۆيرۋستى جۇقتىرۋ تىركەلگەن جوق",- دەدى دەنساۋلىق ساقتاۋ ءمينيسترى ەلجان ءبىرتانوۆ ۇكىمەت وتىرىسىندا.
ايتا كەتۋ كەرەك، ەرتەڭ 12 اقپاندا قىتايدان قازاقستاننىڭ 145 ازاماتىن وسىنداي رەيسپەن شىعارۋ جوسپارلانىپ وتىر. كوشىرۋ اياقتالعاننان كەيىن قحر اۋماعىندا 343 ازامات قالادى، ولار قىتايدا قالۋعا وزدەرى نيەت بىلدىرگەن.
بۇعان دەيىن حابارلانعانداي، "ەير استانا" اۋەكومپانياسىنىڭ ۇشاقتارى پەكينگە 10 جانە 12 اقپاندا اتتانادى. قىتاي تاراپىنىڭ ءوتىنىشى بويىنشا بۇل رەيستەر پەكينگە قازاقستانداعى 47 قىتاي ازاماتىن، سونداي-اق قحر ەلشىلىگىنىڭ قازاقستانعا كوممەرتسيالىق ەمەس جۇگىن جەتكىزۋدى جوسپارلاپ وتىر.
ەسكە سالايىق، ۋحاننان بۇعان دەيىن 2 اقپاندا 83 قازاقستاندىق ەۆاكۋاتسيالاندى، ونىڭ 80 - ءى ستۋدەنتتەر. كەيىن قىتايدان 427 قازاقستاندىقتىڭ ورالعىسى كەلەتىنى بەلگىلى بولدى.
