2020 جىلدىڭ 6-8 اقپانى ارالىعىندا نۇر-سۇلتان قالاسىندا قازاقستاندىق مما ارالاس جاۋىنگەرلىك جەكپە-جەك فەدەراتسياسىنىڭ ۇيىمداستىرۋىمەن IMMAF حالىقارالىق ارالاس جاۋىنگەرلىك جەكپە-جەك فەدەراتسياسىنىڭ ديرەكتورلار كەڭەسى ءوتتى.
قازاقستاندىق مما فەدەراتسياسى ءانۋار سادىقۇلوۆ باسقاراتىن قازاقستاننىڭ جاۋىنگەرلىك ونەر قاۋىمداستىعىنىڭ قامقورلىعىمەن جۇمىس ىستەيدى. .
اتالعان كەڭەستىڭ نەگىزى ماقساتى - ورتالىق ازيا ايماعىندا مما ارالاس جاۋىنگەرلىك جەكپە-جەگىن دامىتۋ جانە تانىمال ەتۋ. 2020 جىلدىڭ ماۋسىمىندا نۇر-سۇلتان قالاسىندا وتەتىن مما ارالاس جەكپە-جەكتەن ازيا چەمپيوناتىنىڭ وتكىزۋ ماسەلەلەرىن تالقىلاۋ، سونداي-اق، قازاقستان، وزبەكستان، قىرعىزستان، تاجىكستان جانە ءازىربايجان ەلدەرىنىڭ مما ارالاس جەكپە-جەكتەن ورتالىق ازيا كونفەدەراتسياسىن قۇرۋ.
كەڭەسكە IMMAF پرەزيدەنتى - كەريت براۋن، IMMAF ديرەكتورلار كەڭەسىنىڭ مۇشەسى جانە ازيا ايماعى بويىنشا ديرەكتور - ۆيسام ابي نادەر، وزبەكستان رەسپۋبليكاسى ارالاس جاۋىنگەرلىك جەكپە-جەك قاۋىمداستىعىنىڭ ۆيتسە-پرەزيدەنتى - شەرزود توشماتوۆ جانە مما قازاقستاندىق ارالاس جاۋىنگەرلىك جەكپە-جەك فەدەراتسياسىنىڭ باس ديرەكتورى ۆاليحان تەن قاتىستى.
مما ورتالىق ازيا كونفەدەراتسياسىن قۇرۋ تۋرالى حاتتاماعا قول قويىلعاننان كەيىن كونفەدەراتسيا پرەزيدەنتى لاۋازىمىنا وزبەكستان ارالاس جاۋىنگەرلىك ونەر قاۋىمداستىعىنىڭ پرەزيدەنتى وتتابەك وماروۆ تاعايىندالدى. IMMAF ديرەكتورلار كەڭەسىنىڭ مۇشەسى يسكاندەر كارىم مەن مما قازاقستان بىرىككەن فەدەراتسياسىنىڭ باس ديرەكتورى ۆاليحان تەن ۆيتسە-پرەزيدەنت بولىپ تاعايىندالدى. كونفەدەراتسيانىڭ شتاب-پاتەرى وزبەكستاندا ورنالاسادى.
كەڭەس سوڭىندا، IMMAF پرەزيدەنتى كەريت براۋن الدا وتەتىن ازيا چەمپيوناتىنىڭ قازاقستاندىق مما فەدەراتسياسىنىڭ قولداۋىمەن جوعارى دەڭگەيدە وتەتىە سەنىم بىلدىرە وتىرىپ، حالىقارالىق جارىستاردا ءبىزدىڭ سپورتشىلاردىڭ جەتكەن جەتىستىكتەرىنە كوڭىلى تولاتىنىن، سونداي-اق، بيىلعى چەمپيوناتتا دا رەكوردتى جەڭىسكە جەتەتىندىگىنە سەنىمدى ەكەنىن ايتىپ ءوتتى.
