قازاقستاندىق UFC سپورتشىسى شاۆكات راحمونوۆ ۇزاق ۇزىلىستەن كەيىن جاتتىعۋىن قايتا جالعاستىرىپ، جەكپە-جەك الاڭىنا ورالۋعا دايىندالىپ جاتىر، دەپ حابارلايدى "ادىرنا" ۇلتتىق پورتالى.
سپورتشىنىڭ ءۇزىلىسى تىزەسىنەن العان جاراقاتىنا بايلانىستى بولعان. راحمونوۆتىڭ جاتتىعۋ بارىسىنان جاڭا كادرلاردى ونىڭ سوققى تەحنيكاسى بويىنشا جاتتىقتىرۋشىسى ءورازالى الدىباەۆ الەۋمەتتىك جەلىدەگى پاراقشاسىندا جاريالادى. بەينەجازبادا قازاقستاندىق سپورتشى زالدا جاتتىعىپ، تالىمگەرىمەن بىرگە سوققىلارىن پىسىقتاپ جاتقانى كورىنەدى.
«سيۋرپريز، سيۋرپريز! كورول ورالدى. 77 كەلى»، – دەپ جازدى ورازالي الديباەۆ.
شاۆكات راحمونوۆ UFC-دە سوڭعى جەكپە-جەگىن 2024 جىلدىڭ جەلتوقسانىندا وتكىزدى. UFC 310 تۋرنيرىندە قازاقستاندىق سپورتشى يرلانديالىق يەن گەرريمەن كەزدەسىپ، تورەشىلەردىڭ ءبىراۋىزدى شەشىمىمەن جەڭىسكە جەتتى.
