قازاقستان پرەزيدەنتى قاسىم-جومارت توقاەۆ قورداي اۋدانىنداعى قاقتىعىستىڭ كىمنىڭ كەسىرىنەن بولعانىن ايتتى، - دەپ حابارلايدى Tengrinews.kz تىلشىسى.
بۇل تۋرالى توقاەۆ Twitter جەلىسىندە جازدى.
Qasym-Jomart Toqayev✔@TokayevKZ
بۇل كۇندەرى ازاماتتارىمىزدان كوپتەگەن وتىنىشتەر كەلىپ تۇسۋدە. دۇنگەن بالاسىنىڭ بەينەجازباسىنا نازار اۋداردىم. جاۋاپ بەرەمىن: مەنىڭ مىندەتىم - ەلىمىزدە بەيبىتشىلىك پەن كەلىسىمدى قامتاماسىز ەتۋ.
Qasym-Jomart Toqayev✔@TokayevKZ
مەملەكەتتىك ورگاندار قىزمەتكەرلەرىنىڭ سالعىرتتىعى ارقاسىندا ارانداتۋشىلار قانتوگىس جاسادى. ولار جازالانادى. مەملەكەت زارداپ شەككەندەرگە قولداۋ كورسەتەدى. بەيبىتشىلىك پەن كەلىسىم ءبىزدىڭ باستى بايلىعىمىز، ونى بۇزۋعا ەشكىمنىڭ قۇقىعى جوق!
سونىمەن قاتار، قورداي اۋدانىندا جاعدايدىڭ تۇراقتى ەكەنىن، بەردىبەك ساپارباەۆ باسقارقان كوميسسيا جۇمىسىن جالعاستىرىپ جاتقانىن ايتتى.
"قايعىلى جاعدايعا جول بەرگەن مەمورگان قىزمەتكەرلەرى مەن ارانداتۋشىلار جاۋاپقا تارتىلادى. زارداپ شەككەندەرگە كومەك كورسەتىلەدى. وتانداستارىمىزعا ازاماتتىق جاۋاپكەرشىلىك ۇستانىمدارى ءۇشىن ريزاشىلىق بىلدىرەمىن", - دەپ جازدى توقاەۆ.
كەشە، 8 اقپاندا قورداي اۋدانىندا توتەنشە جاعداي رەجيمى جاريالانعان بولاتىن.
ەسكە سالايىق، 7 اقپاندا جامبىل وبلىسى قورداي اۋدانى ماسانچي اۋىلىندا تۇرعىندار اراسىندا جاپپاي توبەلەس بولدى. وقيعا سالدارىنان 8 ادام قازا تاپتى. مەديتسينالىق مەكەمەلەرگە 137 ادام كومەك سۇراپ كەلدى.
