Qazaqstan Prezıdenti Qasym-Jomart Toqaev Qordaı aýdanyndaǵy qaqtyǵystyń kimniń kesirinen bolǵanyn aıtty, - dep habarlaıdy Tengrinews.kz tilshisi.
Bul týraly Toqaev Twitter jelisinde jazdy.
Qasym-Jomart Toqayev✔@TokayevKZ
Bul kúnderi azamattarymyzdan kóptegen ótinishter kelip túsýde. Dúngen balasynyń beınejazbasyna nazar aýdardym. Jaýap beremin: Meniń mindetim - elimizde beıbitshilik pen kelisimdi qamtamasyz etý.
Memlekettik organdar qyzmetkerleriniń salǵyrttyǵy arqasynda arandatýshylar qantógis jasady. Olar jazalanady. Memleket zardap shekkenderge qoldaý kórsetedi. Beıbitshilik pen kelisim bizdiń basty baılyǵymyz, ony buzýǵa eshkimniń quqyǵy joq!
Sonymen qatar, Qordaı aýdanynda jaǵdaıdyń turaqty ekenin, Berdibek Saparbaev basqarqan komıssııa jumysyn jalǵastyryp jatqanyn aıtty.
"Qaıǵyly jaǵdaıǵa jol bergen memorgan qyzmetkerleri men arandatýshylar jaýapqa tartylady. Zardap shekkenderge kómek kórsetiledi. Otandastarymyzǵa azamattyq jaýapkershilik ustanymdary úshin rızashylyq bildiremin", - dep jazdy Toqaev.
Keshe, 8 aqpanda Qordaı aýdanynda tótenshe jaǵdaı rejımi jarııalanǵan bolatyn.
Eske salaıyq, 7 aqpanda Jambyl oblysy Qordaı aýdany Masanchı aýylynda turǵyndar arasynda jappaı tóbeles boldy. Oqıǵa saldarynan 8 adam qaza tapty. Medıınalyq mekemelerge 137 adam kómek surap keldi.