قازىر وسىنداي الاپات ءورت شىعاتىنداي سەبەپ وتە كوپ

1877

قوردايداعى تج تۋرالى ويىمدى ايتا كەتسەم دەپ ەدىم. ەڭ الدىمەن قازا تاپقانداردىڭ وتباسىنا كوڭىل ايتامىن. بۇل ورنى تولماس ۇلكەن قايعى.

ەندى وسى وقيعاعا توقتالايىق.
بىرىنشىدەن، كەز كەلگەن قاقتىعىس - كىشكەنە جەل تۇرسا بولدى، ودان ارى لاۋاپ، بوي بەرمەي كەتەتىن ورمانداعى ءورت سياقتى بولادى. وعان تاعى كەز كەلگەن نارسە – سىرىڭكە جاققانىڭ دا، ماس بولىپ توبەلەسكەنىڭ دە، قىزدى قىزعانىپ توبەلەس شىعارعانىڭ دا تۇرتكى بولۋى مۇمكىن. قوعامدى جايلاعان ادىلەتسىزدىك، جەمقورلىق، قازاق ۇلتىنىڭ حۇقى اياققا تاپتالىپ جاتقانى سەكىلدى، بىزدە قازىر وسىنداي الاپات ءورت شىعاتىنداي سەبەپ وتە كوپ.

ەكىنشىدەن، قانداي جاعداي بولماسىن، ونداي كەزدە تەلەفونعا ءتۇسىرىپ، الگى ۆيدەونى تۋعان-تۋىس، دوس-جاراندارىنا تاراتاتىن ادامدار دا كوبەيىپ كەتەدى. بۇل دەگەنىڭ ارانداتۋ ەمەس، قالىپتى نارسە.

ۇشىنشىدەن، كەز كەلگەن قاقتىعىستىڭ استارىندا ۇلتارالىق. ەكونوميكالىق نە باسقا ءبىر سەبەپتەر جاتادى. بىراق ءبارى توبەلەسپەن، ادام ولىمىمەن، مۇلiك توناۋمەن اياقتالادى. ويتكەنى ادام ونداي كەزدە كوپتىڭ جەتەگىنە ءتۇسىپ، اشۋ-ىزاعا ەرىك بەرىپ قويادى.

سوندىقتان مىنا ماسەلەلەرگە كوڭىل ءبولۋ كەرەك دەپ ەسەپتەيمىن.
1. ءبارىن ادىلەتتى تۇردە شەشىپ، جەرگىلىكتى بيلىكتىڭ وزىنە شارا قولدانۋ كەرەك.
2. بىرەۋدى كىنالى ەتىپ شىعارىپ، الەۋمەتتىك جەلىلەردى، ۆاتساپتى بۇعاتتاۋعا تىرىسپاۋ كەرەك.
3. حالىقتتىڭ الەۋمەتتىك ماسەلەسىن شەشۋ.
4. قازاقستان حالقى اسسامبلەياسى كونستيتۋتسياعا وزگەرىس ەنگىزۋگە ۇسىنىس بىلدىرگەننەن باسقا نە ءبىتىرىپ ءجۇر؟ اسسامبلەيانىڭ مۇشەلەرىن قۋىپ جىبەرىپ، ونىڭ ورنىنا ەلىمىزدە تۇراتىن دياسپورالاردىڭ قولىنان ءىس كەلەتىن باسشىلارىن اكەپ تاعايىنداۋ كەرەك.

سوسىن، ەڭ باستى ەسكەرەتىن نارسە! ساياسي رەفورما جاساماساق، الدا دا وسىنداي قاقتىعىس بولا بەرەدى. وتكەندە قاراعاندىدا دا تۋرا وسىلاي بولدى. ءبىزدى قۇتقاراتىن وسى رەفورما. ايتپەسە، كوشەمىز قان ساسىپ، مۇنداي قاقتىعىستان بولاشاقتا دا كوز اشپايمىز!

ويلانىڭىزدار!

مارعۇلان سەيسەنباي

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket