قوردايداعى توبەلەستە قايتىس بولعانداردىڭ ءتىزىمى جاريالاندى

 قازاقستان دۇڭگەندەر قوعامىنىڭ الماتى فيليالى جامبىل وبلىسىنىڭ قورداي اۋدانىندا بولعان جاپپاي توبەلەس كەزىندە قازا بولعانداردىڭ اتى-ءجونىن جاريالادى.

1. يسىروۆ باحۋ، 1988 جىلى تۋعان

2. چونتەي ابدۋلا، 1986 جىلى تۋعان

3. حارسانوۆ رام

4. ياسىروۆ ماليك، سورتوبە اۋىلىنداعى №17 ورتا مەكتەپتىڭ قازاق ءتىلى جانە ينفورماتيكا ءپانىنىڭ مۇعالىمى

5. شيسىر راحيم

6. حيشانلو سۋلەيمان

7. لوحاش لۋگمار (بۇلان باتىر اۋىلى)

8. كيروۆ يسحار (بۇلان باتىر اۋىلى)

"جەرلەۋدى ۇيىمداستىرۋعا كومەكتەسۋ بويىنشا وتىنىشتەر ءتۇسىپ جاتىر", - دەپ حابارلادى قازاقستان دۇڭگەندەر قوعامىنىڭ الماتى فيليالى.

قوردايداعى وقيعا

7 اقپاندا كەشكى ساعات 19:00-دە جامبىل وبلىستىق پوليتسيا دەپارتامەنتىنە "قورداي اۋدانىنىڭ ماسانچي اۋىلىنىڭ جانىندا 70-تەن استام ادام توبەلەسىپ جاتىر" دەگەن اقپارات تۇسكەن. زاڭسىز ارەكەتتەردى توقتاتۋ ءۇشىن دەرەۋ پوليتسيا قىزمەتكەرلەرى جىبەرىلەدى. سول جەردە بولعان ادامدار توبەلەستى ۆيدەوعا ءتۇسىرىپ، الەۋەمەتتىك جەلى ارقىلى تاراتقان.

سونىڭ سالدارىنان جاقىن جەردەگى اۋقاتتى جانە بۇلان باتىر اۋىلدارىنان كەلگەن 300-دەن استام ازامات توبەلەسكە قوسىلادى. ەكى جاق ءبىر-بىرىنە تاس لاقتىرىپ، تاياقپەن ۇرعان. ءتىپتى، قارۋ دا قولدانعان. سالدارىنان 8 ادام قازا بولدى. 40-تان استامى جاراقات الدى. ولاردىڭ ىشىندە وق تيگەن ەكى پوليتسەي بار.

جاپپاي توبەلەستىڭ ارتى تارتىپسىزدىكتەرگە ۇلاسقان. قازىرگى مالىمەتكە سايكەس، 30-دان استام جەكە ءۇي، 15 ساۋدا ءۇيى مەن 23 كولىك زاقىمداندى.

ىشكى ىستەر مينيسترلىگى 47 ادام ۇستالعانىن حابارلادى. سوتقا دەيىنگى تەرگەۋ شارالارى قىلمىستىق كودەكستىڭ 272-بابى (جاپپاي تارتىپسىزدىكتەردى ۇيىمداستىرۋ جانە قاتىسۋ) مەن 99-بابى (ادام ءولتىرۋ) بويىنشا جۇرگىزىلىپ جاتىر.