قازىر بۇكىل الەم قىتايعا قاراپ ەلەڭدەپ وتىر. ەمى جوق بەلگىسىز ۆيرۋس ادامزاتقا زور قاۋىپ توندىرۋدە. باسىندا جىلان مەن جارعاناتتان تارادى دەپ بولجام جاساعانمەن، لابوروتوريادان تاراعان دەگەن دە اقپاراتتىڭ شەتى قىلتيعان بولاتىن. بۇگىندە كوروناۆيرۋس باقىلاۋدان شىعىپ كەتتى دەگەن دە اقپاراتتار پايدا بولىپ جاتىر.
بەلگىلى جۋرناليست توقتار جاقاش ۆيرۋستىڭ تارالۋى رەسمي اقپاراتتان الدەقايدا كوپ دەيدى. بۇل جايلى ول ءوزىنىڭ فەيسبۋك پاراقشاسىندا جاريالادى.
"قىتايداعى كوروناۆيرۋستىڭ "ەكپىنى" رەسمي اقپاراتتان الدەقايدا سۇمدىق كورىنەدى. گونكونگ ۋنيۆەرسيتەتىنىڭ ماماندارى ۆيرۋستىڭ تارالۋىن كومپيۋتەرلىك مودەل ارقىلى زەرتتەپ كورىپتى. ءار ادام 2-3 ادامعا ىندەت جۇقتىردى دەپ قاراستىرعاندا، جۇقتىرعانداردىڭ سانى 25-قاڭتارعا دەيىن 75 مىڭنان اسقان! ۆيرۋس ينكۋباتسيالىق كەزەڭدە دە جۇعا بەرەتىن قاسيەتكە يە كورىنەدى. سوڭعى ايلاردا قاۋىپتى ىندەت دامۋدىڭ ءۇشىنشى كەزەڭىنە ءوتىپتى. قازىر قىتايلىقتار قازاقستان، قىرعىزستان، رەسەيدەگى ماسكى شىعاراتىن كاسىپورىنداردى ميلليونداعان دانا تاپسىرىسپەن "كومىپ" تاستاعان. ۆيدەوداعى كولىكتىڭ ءنومىرى قىتايدىڭ ىلە-قازاق اۆتونوميالى وبلىسى تارباعاتاي ايماعىندا تىركەلگەن. وندا دا كوشەگە شىقپاۋعا كەڭەس بەرىپ جاتىر. اللا ەلىمىزدى، ارعى بەتتەگى باۋىرلارىمىزدى ىندەتتەن ساقتاسىن!" دەپ جازدى جۋرناليست.
"ادىرنا" ۇلتتىق پورتالى
