Koronavırýs baqylaýdan shyǵyp ketti!

5122
Adyrna.kz Telegram

Qazir búkil álem Qytaıǵa qarap eleńdep otyr. Emi joq belgisiz vırýs adamzatqa zor qaýip tóndirýde. Basynda jylan men jarǵanattan tarady dep  boljam jasaǵanmen, laborotorııadan taraǵan degen de aqparattyń sheti qyltıǵan bolatyn. Búginde koronavırýs baqylaýdan shyǵyp ketti degen de aqparattar paıda bolyp jatyr.

Belgili jýrnalıst Toqtar Jaqash vırýstyń taralýy resmı aqparattan áldeqaıda kóp deıdi. Bul jaıly ol óziniń Feısbýk paraqshasynda jarııalady.

"Qytaıdaǵy koronavırýstyń "ekpini" resmı aqparattan áldeqaıda sumdyq kórinedi. Gonkong ýnıversıtetiniń mamandary vırýstyń taralýyn kompıýterlik model arqyly zerttep kóripti. Ár adam 2-3 adamǵa indet juqtyrdy dep qarastyrǵanda, juqtyrǵandardyń sany 25-qańtarǵa deıin 75 myńnan asqan! Vırýs ınkýbaııalyq kezeńde de juǵa beretin qasıetke ıe kórinedi. Sońǵy aılarda qaýipti indet damýdyń úshinshi kezeńine ótipti. Qazir qytaılyqtar Qazaqstan, Qyrǵyzstan, Reseıdegi maski shyǵaratyn kásiporyndardy mıllıondaǵan dana tapsyryspen "kómip" tastaǵan. Vıdeodaǵy kóliktiń nómiri Qytaıdyń Ile-qazaq avtonomııaly oblysy Tarbaǵataı aımaǵynda tirkelgen. Onda da kóshege shyqpaýǵa keńes berip jatyr. Alla elimizdi, arǵy bettegi baýyrlarymyzdy indetten saqtasyn!" dep jazdy jýrnalıst.

"Adyrna" ulttyq portaly

 

Pikirler