ماسكەۋدە ءبىر ۋاقىتتا قىرعىزستاننىڭ تۇڭعىش پرەزيدەنتى اسقار اقاەۆتىڭ ۇلى مەن نەمەرە ءىنىسى قايتىس بولدى.
جاقىن تۋىستارى جۋرناليستەرگە 5 اقپاندا ەكس-پرەزيدەنت ايدار اقاەۆتىڭ 43 جاستاعى ۇلكەن ۇلى كەنەتتەن قايتىس بولعانىن حابارلادى. ونىڭ جۇرەك سوعىسى توقتاعان.
ەكس-پرەزيدەنتتىڭ 59 جاستاعى نەمەرە ءىنىسى كۋبان اقاەۆتىڭ قايتىس بولعان كۇنى ناقتى ايتىلمايدى. شۋ وبلىسى كەمين اۋدانى اكىمشىلىگىنىڭ وكىلدەرى مەن تۋىستارى ءمايىت ماسكەۋدەن جەتكىزىلىپ، وسى جەرگە جەرلەنگەنىن عانا حابارلادى. كۋبان بۇرىنعى پرەزيدەنتتىڭ اعاسى شىلتەن اقاەۆتىڭ ۇلى بولعان.
اسقار اقاەۆ قىرعىزستاندى تاۋەلسىزدىكتىڭ العاشقى جىلدارىنان باستاپ 2005 جىلعا دەيىن باسقاردى. ەلدە رەۆوليۋتسيا بولعان كەزدە پرەزيدەنت وتباسى مۇشەلەرىمەن بىرگە رەسەيگە قاشىپ كەتتى. ول ماسكەۋدە عىلىمي جانە وقىتۋشىلىق قىزمەتپەن اينالىسا باستادى. ايداردان باسقا، اقاەۆتىڭ ءۇش بالاسى بار - قىزدارى بەرمەت جانە ساادات جانە ۇلى يليم.
ايدار اقاەۆ 1998-2001 جىلدارى قازاقستان پرەزيدەنتى نۇرسۇلتان نازارباەۆتىڭ كىشى قىزى اليامەن وتاۋ قۇردى. كەيىن ول كينوموتوگرافيا ورتاسىندا تانىمال چوكۋباەۆتار وتباسىنىڭ سايكال ەسىمدى قىزىنا ۇيلەندى. ءتۇرلى اقپارات كوزدەرىنە سۇيەنسەك، ەرلى-زايىپتىلاردىڭ ەكى-ءۇش بالاسى بولعان. ماسكەۋدە ايدار اقاەۆ كاسىپپەن اينالىسقان. قىرعىز بيلىگى ونى ەكونوميكالىق قىلمىس جاسادى دەگەن كۇدىكپەن ىزدەۋشىلەر تىزىمىنە الدى.
FE.
