Máskeýde bir ýaqytta Qyrǵyzstannyń tuńǵysh prezıdenti Asqar Aqaevtyń uly men nemere inisi qaıtys boldy.
Jaqyn týystary jýrnalısterge 5 aqpanda eks-prezıdent Aıdar Aqaevtyń 43 jastaǵy úlken uly kenetten qaıtys bolǵanyn habarlady. Onyń júrek soǵysy toqtaǵan.
Eks-prezıdenttiń 59 jastaǵy nemere inisi Kýban Aqaevtyń qaıtys bolǵan kúni naqty aıtylmaıdy. Shý oblysy Kemın aýdany ákimshiliginiń ókilderi men týystary máıit Máskeýden jetkizilip, osy jerge jerlengenin ǵana habarlady. Kýban burynǵy prezıdenttiń aǵasy Shilten Aqaevtyń uly bolǵan.
Asqar Aqaev Qyrǵyzstandy táýelsizdiktiń alǵashqy jyldarynan bastap 2005 jylǵa deıin basqardy. Elde revolıýııa bolǵan kezde prezıdent otbasy múshelerimen birge Reseıge qashyp ketti. Ol Máskeýde ǵylymı jáne oqytýshylyq qyzmetpen aınalysa bastady. Aıdardan basqa, Aqaevtyń úsh balasy bar - qyzdary Bermet jáne Saadat jáne uly Ilım.
Aıdar Aqaev 1998-2001 jyldary Qazaqstan Prezıdenti Nursultan Nazarbaevtyń kishi qyzy Álııamen otaý qurdy. Keıin ol kınomotografııa ortasynda tanymal Chokýbaevtar otbasynyń Saıkal esimdi qyzyna úılendi. Túrli aqparat kózderine súıensek, erli-zaıyptylardyń eki-úsh balasy bolǵan. Máskeýde Aıdar Aqaev kásippen aınalysqan. Qyrǵyz bıligi ony ekonomıkalyq qylmys jasady degen kúdikpen izdeýshiler tizimine aldy.
FE.
