كۋعىن-سۇرگىن قۇرباندارىن ەسكە الۋ كۇنىنە وراي الماتى قالاسى اكىمدىگى، ىشكى ساياسات باسقارماسىنىڭ قولداۋىمەن «ادىرنا» ۇلتتىق-ەتنوگرافيالىق بىرلەستىگى» قوعامدىق قورى قازۇۋ-دىڭ ءال-فارابي كىتاپحاناسىندا «1920-1930-شى جىلدارداعى قازاقستانداعى اشارشىلىق جانە الاش ازاماتتارى» اتتى رەسپۋبليكالىق عىلىمي-پراكتيكالىق كونفەرەنتسيا (2015 ج. 27 مامىر، ساعات 11.00-دە) وتكىزەدى.
ماقساتى – كەڭەس وداعى كەزەڭىندەگى قازاقستان جەرىندە ورىن العان اشارشىلىقتى، قۋعىن-سۇرگىن قۇرباندارىن، ولاردىڭ تاريحىن، ۇلت زيالىلارىنىڭ ەل مۇددەسى ءۇشىن كۇرەسىن، سونداي-اق، اشارشىلىق كەزىندەگى تاريحي شىندىقتى ناسيحاتتاۋ، ەلىمىزدەگى عالىمداردىڭ، زەرتتەۋشىلەردىڭ تالداۋلارى مەن وي-پىكىرلەرىن ۇسىنۋ، جالپى حالىققا تاريحي بولمىستىڭ شىنايى اقيقاتتارىنان حابار بەرۋ، وسى تۇستاعى تاريحي اقتاڭداقتاردى انىقتاۋ.
كونفەرەنتسيانىڭ نەگىزگى ماسەلەلەرى مەن باعىتتارى:
1. تۇركىلىك جانە الاشتىق يدەياداعى قوعام قايراتكەرلەرىنىڭ اشارشىلىق ماسەلەسىنە بايلانىستى جۇمىستارى;
2. كەڭەس ۇكىمەتىنىڭ يدەياسىن ماقۇلداعان قوعام قايراتكەرلەرىنىڭ اشارشىلىق ماسەلەسىنە قاتىستى جۇمىستارى;
3. اشارشىلىقتىڭ تاريحي شىندىعىن انىقتاۋ ماسەلەلەرى;
4. حالىقتى اشارشىلىقتان قۇتقارۋ ماسەلەسىمەن اينالىسقان زيالىلاردىڭ باستان كەشىرگەن ناۋبەتى.
عىلىمي ماقالالار مەن باياندامالاردى 20-ءشى مامىرعا دەيىنگى ارالىقتا adyrna@bk.ru ەلەكتروندى مەكەن-جايىنا جىبەرۋلەرىڭىز كەرەك. ماتەريالداردى ارنايى عىلىمي جيناق رەتىندە شىعارۋ جوسپارلانىپ وتىر.
جوبانىڭ سەرىكتەستەرى: قازاقستان «ادىلەت» تاريحي-اعارتۋ قوعامى، قر ساياسي قۋعىن-سۇرگىنگە ۇشىراعاندار قاۋىمداستىعى،ء ال-فارابي اتىنداعى قازۇۋ-دىڭ شىعىستانۋ فاكۋلتەتى، تۇرىكسوي كافەدراسى
