دەنساۋلىق مينيسترلىگى شۇعىل 4 ميلليونعا جۋىق بەتپەردەگە تاپسىرىس بەردى

2765
Adyrna.kz Telegram
الەمدى شۋلاتقان كوروناۆيرۋسقا بايلانىستى قازاقستانداعى اۋرۋحانالارعا قوسىمشا مەديتسينالىق بەتپەردەلەر ساتىپ الىنباق.

 قازاقستاننىڭ اۋرۋحانالارىنا قوسىمشا ءتورت ميلليونعا جۋىق بەتپەردە ساتىپ الىنادى. بۇل تۋرالى ارنايى ءباسپاسوز ءماسليحاتىندا باس سانيتار جانداربەك بەكشين مالىمدەدى دەپ حابارپلايدى" ادىرنا".

"اۋرۋحانالار ءۇشىن ءبىز شۇعىل قوسىمشا مەديتسينالىق بەتپەردەلەردى ساتىپ الىپ جاتىرمىز. اتاپ ايتقاندا، 2,5 ميلليون جاي بەتپەردە، 1,3 ميلليون رەسپيراتورلىق بەتپەردە، ءبىر رەت قولدانىلاتىن جانە كاسىبي كوستيۋمدەر بار. بۇدان بولەك، دياگنوستيكالىق اپپاراتۋراعا ارنالعان قۇرال-جابدىقتار ساتىپ الىنادى", - دەدى بەكشين.

باس سانيتاردىڭ ايتۋىنشا، اۋىر ناۋقاستاردى تاسىمالداۋعا ارنالعان 30 كاپسۋلا دا جەتكىزىلەدى. سوسىن قوسىمشا 33 تەپلوۆيزور ساتىپ الىنادى.

ء"بىز وتاندىق ءونىم وندىرۋشىلەردەن داكەدەن جاسالاتىن بەتپەردەلەردى كوپتەپ جاساۋدى سۇرادىق", - دەدى بەكشين.

ايتا كەتسەك، بۇگىن تاڭەرتەڭ دەنساۋلىق ءمينيسترى رەسپيراتورلىق ۆيرۋس بەلگىلەرى بار ءتورت ادامنىڭ اۋرۋحاناعا جاتقىزىلعانىن حابارلاعان بولاتىن، كەيىن ولاردىڭ ەكەۋى ۇيىنە جىبەرىلگەنى ايتتى.

ال تۇستەن كەيىن جانداربەك بەكشين تاعى التى ادامنىڭ اۋرۋحاناعا جەتكىزىلگەنىن حابارلادى.

پىكىرلەر