Qazaqstannyń aýrýhanalaryna qosymsha tórt mıllıonǵa jýyq betperde satyp alynady. Bul týraly arnaıy baspasóz máslıhatynda bas sanıtar Jandarbek Bekshın málimdedi dep habarplaıdy" Adyrna".
"Aýrýhanalar úshin biz shuǵyl qosymsha medıınalyq betperdelerdi satyp alyp jatyrmyz. Atap aıtqanda, 2,5 mıllıon jaı betperde, 1,3 mıllıon respıratorlyq betperde, bir ret qoldanylatyn jáne kásibı kostıýmder bar. Budan bólek, dıagnostıkalyq apparatýraǵa arnalǵan qural-jabdyqtar satyp alynady", - dedi Bekshın.
Bas sanıtardyń aıtýynsha, aýyr naýqastardy tasymaldaýǵa arnalǵan 30 kapsýla da jetkiziledi. Sosyn qosymsha 33 teplovızor satyp alynady.
"Biz otandyq ónim óndirýshilerden dákeden jasalatyn betperdelerdi kóptep jasaýdy suradyq", - dedi Bekshın.
Aıta ketsek, búgin tańerteń densaýlyq mınıstri respıratorlyq vırýs belgileri bar tórt adamnyń aýrýhanaǵa jatqyzylǵanyn habarlaǵan bolatyn, keıin olardyń ekeýi úıine jiberilgeni aıtty.
Al tústen keıin Jandarbek Bekshın taǵy alty adamnyń aýrýhanaǵa jetkizilgenin habarlady.
