اتبەگى

3495
Adyrna.kz Telegram

بۇل كۇندە شارۋاسىن شال­قىت­قان، داۋلەتىن تاسىتقان ەڭبەك ادامدارى قاي اۋىلدا دا كوبەي­ىپ كەلەدى. ولاردىڭ شارۋاسىن كور­گەندە كوڭىلىڭ مارقايادى. وسىن­دايدا «قازاق جالقاۋ» دەگەن سوزگە ءشۇبا كەلتىرەسىڭ. ارينە، قوعام بولعان سوڭ «قاسىق ۇستاۋشى­لاردىڭ دا» كەزدەسىپ قالاتىنى شىندىق. دەگەنمەن، بىرەن-ساران مۇندايلارعا قاراپ، بارىنە كۇيە جاعۋعا بولمايدى. ءيا، اۋىلدا ەڭبەك ەتەتىندەر كوبەيە ءتۇستى.

سولاردىڭ ءبىرى – كوكتەرەك اۋىلدىق وكرۋگىنە قاراستى «تولەگەن» شارۋا قوجالىعىنىڭ جە­تەك­شىسى اناربەك جايلاۋباەۆ. اناربەك زايىبى اقجارقىن ەكەۋى 1997 جىلى اتاكاسىپتى قولعا العان.

وتىزعا دا تولماعان جاس جۇبايلار اۋىل­دى بويلاي اعىپ، يساتاي – ماحامبەت بابا­لارى­مىزدىڭ نايزا ۇستاپ، «ەرەۋىل اتقا ەر سالماي…» جۇرگەن قاسيەتتى جەرگە ءنار بەرىپ تۇرعان سارىوزەننىڭ بويىنان شارۋالارىن باستاعاندا ىستەرى ءجۇرىپ كەتتى دەسەك، قاتەلەسكەن بولارمىز. تابىس ماڭداي تەرمەن كەلەدى عوي. سول جولدا ەرلى-زايىپتىلار كۇن-ءتۇن دەمەي ەڭ­بەك ەتتى. «مال باققانعا بىتەدى» عوي. اتاكاسىپ ءتورت تۇلىكتى ءوسىرۋدىڭ ارقايسىسىنىڭ وزىندىك ەرەكشەلىگى بار. ماسەلەن، قامبار اتا تۇقىمىن قوراعا قاماپ، كوبەيتە المايسىڭ. ولارعا ەركىندىك كەرەك. سامال جەلمەن جارىسىپ، اياعى جەتكەن جەرلەرگە باراتىن بۇل قاسيەتتى جا­نۋ­ار­عا كوز الارتاتىندار دا كوپ. سولاردىڭ ىشىندە دالا قاسقىرى دا، ادام «قاسقىرى» دا بار…

بالا كەزىنەن جىلقىنى جاقسى كورەتىن اناربەك زايىبى اقجارقىن ەكەۋى اتتان تۇسپەي، دالا قوسىندا تۇنەپ جۇرگەن كەزدەرى دە بولدى. قولدارىنداعى باسقا مالدارعا دا وسىنداي كوزقاراسپەن قارادى.

ناتيجەسىندە تابىستارى ورلەدى. ولاي دەپ تۇرعانىمىز، بۇگىنگى كۇندە شارۋا قوجالىعىندا 90 ءىرى قارا، 1500 قوي-ەشكى، 86 جىلقى بار. تەحنيكالارى دا جەتكىلىكتى. ماسەلەن، ليزينگكە ءشوپ شاباتىن تەحنيكالار السا، سونىمەن قاتار، 2 تراكتوردى قولما-قول قاراجاتقا ساتىپ الىپ وتىر. ءۇيدىڭ جانىندا «دجيپ» اۆتوكولىگى مەنى ءمىنىپ، سەرۋەنگە شىقسايشى دەگەندە، جارقىراپ ول تۇر… مىنە، تابىس دەگەن وسى.

ءبىز اڭگىمەلەپ وتىرعان اناربەكتىڭ تاعى ءبىر قىرى بار. ول – اتقۇمارلىعى. بىزگە ارعىماعىن جەتەكتەپ الىپ كەلدى.

– مىنا الدارىڭدا تۇرعان اعىلشىن-اراب تۇقىمدى سايگۇلىك. قازىر بايگەگە قوسىلىپ جۇرگەن سايگۇلىكتەر – اعىلشىن-اراب تۇقىمداس جىلقىلار. ولار قىسقا قاشىقتىقتى وڭاي باعىندىرادى. الداعى ۋاقىتتا وسى سايگۇلىكتى باپتاپ، بايگەگە قوسپاقشىمىن. 1,5 ملن. قاراجاتقا تۇسكەن بۇل جانۋاردى رەسەيدەن الدىردىم. ال ءبىر ەرەكشىلىگى باۋ-باقشا ونىمدەرىمەن ازىقتاندىرعاندى جاقسى كورەدى. سوندىقتان بۇل سايگۇلىككە ارنايى جەرتولەدە ( پوگرەب) كوكونىسىن ازىرلەپ قويدىم.

اللا قوسسا، اۋداندا وتەتىن ۇلى جەڭىستىڭ 70 جىلدىق مەرەكەسىنە بايگەگە قوسپاقشىمىن.

ەندى كۇنى كەشە عانا روستوۆ قالاسىنان اعىلشىن تۇقىمداس ەكى سايگۇلىكتى الىپ كەلدىم. ولار قورادا تۇر. بۇل جانۋارلاردى سىرت كوزگە ازىرشە كورسەتكىم كەلمەيدى، – دەپ كۇلدى اناربەك بىزبەن اڭگىمەسىندە.

وسى ارادا ءبىزدى ارنايى ىسساپارعا اپارعان قازتالوۆ اۋدانى اكىمى نۇرلان بەكقايىر اڭگىمەگە ارالاسىپ، اناربەك، ءبىز سەنىڭ شارۋاشىلىعىڭنان بايگەنىڭ الدىن بەرمەيتىن، اۋداننىڭ اتىن قالىڭ ەلگە تانىتاتىن سايگۇلىكتەر شىقسىن، سونىمەن قاتار جاس ۇرپاقتى شاباندوزدىققا تاربيەلەيتىن ارنايى ورىنعا اينالسىن دەگەن تىلەگىم بار، دەدى.

يەسىنىڭ قولىنان ءسابىز جەپ تۇرعان سايگۇلىككە ءبىز دە الداعى ءدۇبىرلى جارىستاردا اقاننىڭ قۇلاگەرى سياقتى دارا كەلۋدى تىلەدىك. «سارىوزەننىڭ» بويىن مەكەن ەتكەن اناربەكتىڭ كاسىبىنە شىن كوڭىلمەن ريزا بولىپ اتتاندىق.

ايتپاقشى، ءوز ەڭبەگىنىڭ باقىتىنا بولىنگەن اناربەكتىڭ وسىنداي تابىسقا جەتۋىنە كومەكشى بولىپ جۇرگەن جۇبايى، «كۇمىس القا» يەگەرى اقجارقىننىڭ دا بۇل جەتىستىكتەردە قولتاڭباسى بار ەكەنىن ايتا كەتۋدى ءجون سانادىق.

جاڭا اڭگىمە بارىسىندا سارىوزەن بويىنا اتا كاسىپتى جالعاستىرۋعا كەلگەن اناربەك پەن اقجارقىننىڭ بۇل كۇندە ادال ەڭبەكتىڭ نەسىبەسىن كورگەن جانە نەمەرە سۇيگەن ەڭبەكتەرى ەلەنگەن وتباسى ەكەندەرىن ايتقان دۇرىس.


گۇلفيا كوشباەۆا،

جۋرناليست،

تەمىر قۇسايىن،

«ەگەمەن قازاقستان».

باتىس قازاقستان وبلىسى،

قازتالوۆ اۋدانى.

 

پىكىرلەر