پرەزيدەنت ۇلتتىق قوردان بولەك بالاما قور قۇرۋعا تىيىم سالدى

2231
Adyrna.kz Telegram

ۇلتتىق بانكتىڭ توراعاسى ەربولات دوساەۆ نۇر-سۇلتاندا ءوتىپ جاتقان ۇكىمەتتىڭ كەڭەيتىلگەن وتىرىسى بارىسىندا ەل پرەزيدەنتىنە اتقارىلعان جۇمىستار تۋرالى باياندادى.  

"سونىمەن قاتار، التىننىڭ جاڭا پورتفەلىن قۇرۋدا قولداعانىڭىز ءۇشىن العىسىمدى بىلدىرەمىن. ول دا ءوزىنىڭ تۇراقتىلىعىن الىپ كەلدى. ءبىز بىلتىر 1 ميلليارد دوللار قالىپتاستىردىق، بيىل ونى 1 ميللياردقا ۇلعايتامىز.

سوندىقتان بۇل جۇمىس جالعاسىپ، ءبىز 2020 جىلدىڭ قورىتىندىسى بويىنشا قولدانىستاعى نارىقتارداعى قۇبىلمالىلىقتى ەسكەرە وتىرىپ، ۇلتتىق قوردان وڭ ناتيجە الامىز دەپ ۇمىتتەنەمىز", - دەدى دوساەۆ.

بۇعا قوسا پرەزيدەنت قاسىم-جومارت-توقاەۆ  ۇلتتىق قوردىڭ بىرەگەيلىگىن اتاپ ءوتىپ، "ەلباسىنىڭ باستاماسىمەن قۇرىلعان ۇلتتىق قور بالاماسىز ينستيتۋت بولىپ سانالادى. قانداي دا ءبىر قوسىمشا قورلاردى قۇرۋعا جول بەرىلمەيدى جانە رۇقسات ەتىلمەيدى. بۇل ماقسات ۇكىمەت، ۇلتتىق قور جانە جاڭادان قۇرىلعان اگەنتتىك الدىندا تۇر دەپ ويلايمىن", - دەدى.

پىكىرلەر