قوش بول، "وليمپ"

2671
Adyrna.kz Telegram

"وليمپ" بۋكمەكەرلىك كەڭسەسى ءوز قىزمەتىن توقتاتتى. ەندى ءسىز سپورتتىق ويىندارعا ءباس تىگە المايسىز. بۇل تۋرالى "وليمپ" سايتىندا جاريالاندى.

"2020 جىلدىڭ 22 قاڭتارىنان باستاپ OLIMP.KZ قازاقستاندىق ليتسەنزياسىنىڭ توقتاۋىنا بايلانىستى ءباس قابىلداي المايدى. وسىنداي شەشىم قابىلدانعانى وتە وكىنىشتى. ءبىز قازاقستاندىق بۋكمەكەرلىك كەڭسە بولدىق جانە الداعى ۋاقىتتا دا سولاي قالعىمىز كەلەدى", - دەلىنگەن سايتتىڭ حابارلاماسىندا.

وتكەن جىلى قر ۇقك الماتى قالاسى بويىنشا دەپارتامەنتى پروكۋراتۋرا ورگاندارىمەن بىرلەسىپ، "وليمپ" بۋكمەكەرلىك كەڭسەسى اكىمشىلىگىنىڭ زاڭسىز ويىن بيزنەسىن ۇيىمداستىرۋ فاكتىسى بويىنشا سوتقا دەيىنگى تەرگەۋ جۇرگىزگەنى حابارلانعان بولاتىن. 2019 جىلعى 29 قاراشادا الماتى قالاسىنىڭ مامانداندىرىلعان اۋدانارالىق اكىمشىلىك سوتى "وليمپ" بك ساۋدا بەلگىسىمەن "Only bet" جشس جانە "Alpha bet" جشس بەرىلگەن ليتسەنزيا قولدانىسىن 6 اي مەرزىمىنە توقتاتتى.

"ادىرنا" ۇلتتىق پورتالى

پىكىرلەر