بقو پوليتسيا دەپارتامەنتى بلوگەردى سوتقا بەردى

باتىس قازاقستان وبلىسىنىڭ پوليتسيا دەپارتامەنتى ورالدىق بلوگەر ايبولات بوكەنوۆتىڭ ۇستىنەن سوتقا شاعىم ءتۇسىردى. بلوگەر بۇعان دەيىن پوليتسيا قىزمەتكەرلەرى جاساعان جول اپاتتارىن بىرنەشە رەت الەۋمەتتىك جەلىگە جاريالاعان.

بوكەنوۆكە «№2 قالالىق سوتقا جاۋاپكەر رەتىندە شاقىرعان» SMS حابارلاما كەلگەن. شاعىم 22 قاڭتاردا قارالادى.

پوليتسيا دەپارتامەنتى شاعىم ازاماتتىق كودەكستىڭ «ار-نامىستى، قادiر-قاسيەتتi جانە iسكەرلiك بەدەلدi قورعاۋ» بابى (143-باپ) بويىنشا بەرگەن. دەپارتامەنت بلوگەردىڭ قازاقستاندىق تەلەارنا ەفيرىنەن كورسەتىلگەن سوزىمەن كەلىسپەيدى جانە «وبلىستىق پوليتسيا دەپارتامەنتى مەن قىزمەتكەرلەرىنىڭ ار-نامىسىن كەمسىتىپ، بەدەلىنە نۇقسان كەلتىردى» دەپ سانايدى.

- بوكەنوۆ «بىلتىر پوليتسيا قىزمەتكەرلەرى 92 رەت زاڭ بۇزعانىن انىقتادىم، وعان پوليتسيا دەپارتامەنتى باستىعى ءابىلازىموۆ شارا قولدانعان جوق» دەپ مالىمدەگەن. باق ارقىلى جاريالانعان اقپارات شىندىققا جاناسپايدى. ازاماتتاردان تۇسكەن وتىنىشتەر اراسىندا 2019 جىلى بوكەنوۆتەن دەپارتامەنت جەتەكشىسىنىڭ اتىنا ءبىر جازباشا جانە ءبىر رەت اۋىزشا ءوتىنىش تۇسكەن. كورسەتىلگەن جاعداي قوعامدىق رەزونانس تۋدىردى، – دەپ حابارلادى پد ءباسپاسوز حاتشىسى بولاتبەك بەلگىبەكوۆ.

بوكەنوۆ ارىزبەن كەلىسپەيدى. ول «دەپارتامەنت باستىعى ماقسۇتحان ءابىلازىموۆ ماعان كەدەرگى كەلتىرۋگە تىرىسىپ جاتىر، زاڭ بۇزۋشىلىقتاردى ءجيى ءتۇسىرۋىم پوليتسەيلەرگە ۇنامايدى» دەيدى.

– 2018 جىلى پوليتسيا باستىعىمەن اڭگىمەلەسىپ، مەن جول قوزعالىسى ەرەجەسى نەمەسە زاڭ بۇزعان وقيعالاردى تەلەفون كامەراسىنا ءتۇسىرىپ، پوليتسياعا بەرىپ وتىرۋعا كەلىسكەنبىز. ءبىر جىلدا 92 ۆيدەو ءتۇسىرىپ، ارىز-شاعىم قابىلدايدى دەپ بەرگەن نومىرگە جولداعانمىن. ەندى ولار ونداي ەشتەڭە بولعان جوق، ۆيدەو جىبەرمەدى دەپ مەنەن ۆيدەولاردىڭ كوشىرمەسىن سۇراپ جاتىر. ال ول ۆيدەولار مەندە ساقتالعان جوق، – دەيدى ايبولات بوكەنوۆ.

بوكەنوۆ ورالدا سوڭعى ايلاردا پوليتسەيلەردىڭ جول ەرەجەسىن بۇزعان ساتتەرىن ينتەرنەتكە جاريالاپ وتىرعان. 18 قاراشادا پاترۋل كولىگى بويجەتكەندى قاعىپ كەتكەندە بلوگەر ءتۇسىرىلىم جاساعان جانە «پوليتسيا قىزمەتكەرىنە باعىنبادى» دەپ ايىپتالعان. اپات بولعان جەردى ءتۇسىرىپ جۇرگەن بوكەنوۆ وقيعا ورنىنا بارعان بقو پوليتسيا دەپارتامەنتىنىڭ باسشىسى ماقسۇتحان ابىلازىموۆتەن قاراماعىنداعى قىزمەتكەردىڭ قىزمەتتىك كولىكپەن باعدارشام تۇرعان ادام قاعۋىن ءتۇسىندىرۋدى سۇراعان. 5 جەلتوقساندا اكىمشىلىك سوت بوكەنوۆكە ەسكەرتۋ جاساعان.

"ازاتتىق" راديوسى

فوتو ماريا مەلنيكوۆا