Bloger Aıbolat Bókenov sot zalynda. Oral, 5 jeltoqsan 2019 jyl.
Batys Qazaqstan oblysynyń polıııa departamenti oraldyq bloger Aıbolat Bókenovtiń ústinen sotqa shaǵym túsirdi. Bloger buǵan deıin polıııa qyzmetkerleri jasaǵan jol apattaryn birneshe ret áleýmettik jelige jarııalaǵan.
Bókenovke «№2 qalalyq sotqa jaýapker retinde shaqyrǵan» SMS habarlama kelgen. Shaǵym 22 qańtarda qaralady.
Polıııa departamenti shaǵym Azamattyq kodekstiń «Ar-namysty, qadir-qasıetti jáne iskerlik bedeldi qorǵaý» baby (143-bap) boıynsha bergen. Departament blogerdiń qazaqstandyq telearna efırinen kórsetilgen sózimen kelispeıdi jáne «oblystyq polıııa departamenti men qyzmetkerleriniń ar-namysyn kemsitip, bedeline nuqsan keltirdi» dep sanaıdy.
- Bókenov «byltyr polıııa qyzmetkerleri 92 ret zań buzǵanyn anyqtadym, oǵan polıııa departamenti bastyǵy Ábilázimov shara qoldanǵan joq» dep málimdegen. BAQ arqyly jarııalanǵan aqparat shyndyqqa janaspaıdy. Azamattardan túsken ótinishter arasynda 2019 jyly Bókenovten departament jetekshisiniń atyna bir jazbasha jáne bir ret aýyzsha ótinish túsken. Kórsetilgen jaǵdaı qoǵamdyq rezonans týdyrdy, – dep habarlady PD baspasóz hatshysy Bolatbek Belgibekov.
Bókenov aryzben kelispeıdi. Ol «departament bastyǵy Maqsuthan Ábilázimov maǵan kedergi keltirýge tyrysyp jatyr, zań buzýshylyqtardy jıi túsirýim polıeılerge unamaıdy» deıdi.
– 2018 jyly polıııa bastyǵymen áńgimelesip, men jol qozǵalysy erejesi nemese zań buzǵan oqıǵalardy telefon kamerasyna túsirip, polıııaǵa berip otyrýǵa keliskenbiz. Bir jylda 92 vıdeo túsirip, aryz-shaǵym qabyldaıdy dep bergen nómirge joldaǵanmyn. Endi olar ondaı eshteńe bolǵan joq, vıdeo jibermedi dep menen vıdeolardyń kóshirmesin surap jatyr. Al ol vıdeolar mende saqtalǵan joq, – deıdi Aıbolat Bókenov.
Bókenov Oralda sońǵy aılarda polıeılerdiń jol erejesin buzǵan sátterin ınternetke jarııalap otyrǵan. 18 qarashada patrýl kóligi boıjetkendi qaǵyp ketkende bloger túsirilim jasaǵan jáne «polıııa qyzmetkerine baǵynbady» dep aıyptalǵan. Apat bolǵan jerdi túsirip júrgen Bókenov oqıǵa ornyna barǵan BQO polıııa departamentiniń basshysy Maqsuthan Ábilázimovten qaramaǵyndaǵy qyzmetkerdiń qyzmettik kólikpen baǵdarsham turǵan adam qaǵýyn túsindirýdi suraǵan. 5 jeltoqsanda ákimshilik sot Bókenovke eskertý jasaǵan.
"Azattyq" radıosy
foto Marııa Melnıkova
