حالىقارالىق اۋە كولىگى قاۋىمداستىعى (IATA) قازاقستاندىق بەك ەير اۋەكومپانياسىنان ۇشۋ كودىن الىپ تاستادى. ءتيىستى حات وپەراتوردىڭ ۆەب-سايتىندا ورنالاستىرىلعان.
قۇجاتتا كومپانيانىڭ وسى كودتى قولدانباۋ سەبەبىن شەكتەۋ تۋرالى «بۇدان بىلاي IATA-نىڭ بىلىكتىلىك تالاپتارىنا سايكەس كەلمەيدى» دەلىنگەن. وندا ء"بىز سىزدەردىڭ كومپانيانىڭ جولاۋشىلارعا قىزمەت كورسەتۋ كونفەرەنتسياسىنىڭ 762 رەزوليۋتسياسى بويىنشا IATA تالاپتارىنا سايكەس كەلمەيتىنىن وكىنىشپەن حابارلايمىز.
بۇل حات ارقىلى ءسىز IATA ءسىزدىڭ كودىڭىزدى قايتارىپ العانىنان رەسمي حاباردار بولدىڭىز. بۇل شەشىم كۇشىنە ەندى. سوندىقتان، ءسىزدىڭ كومپانياڭىز كودتى قولدانۋدى دەرەۋ دوعارۋى كەرەك. ال ءتيىستى ۇشۋ كودى وسى حات جازىلعاننان 60 كۇننەن كەيىن تالاپتارعا ساي كەلەتىن باسقا ۇيىمعا بەرىلەتىن بولادى.
ەگەر ءسىزدىڭ كومپانيا IATA تالاپتارىنا ساي كەلەتىن بولسا، 60 كۇننىڭ ىشىندە قايتا تەكسەرۋ جۇرگىزىلىپ، ۇشۋ كودى ءسىزدىڭ كومپانياعا قايتارىلۋى مۇمكىن", دەلىنگەن.
كود قانداي سەبەپپەن قايتارىپ الىندى، ناقتىلانباعان.
IATA - اۋە كولىگى سالاسىنىڭ مۇددەلەرىن بىلدىرەتىن حالىقارالىق ۇكىمەتتىك ەمەس ۇيىم. كومپانيالارعا تاعايىندايتىن كودتار ولاردىڭ كوممەرتسيالىق قىزمەتىندە قولدانىلادى (مىسالى، بيلەتتەردە تاسىمالداۋشىنى انىقتاۋ كەزىندە). سونداي-اق، كومپانيالار حالىقارالىق ازاماتتىق اۆياتسيا ۇيىمىنىڭ (ICAO, حالىقارالىق اۋە قوزعالىسىن رەتتەۋشىسى) تەحنيكالىق ماقساتتا (مىسالى، رەيستەردى ديسپەتچەرلەۋ كەزىندە) قولدانىلاتىن كودتارىن الادى.
"ادىرنا" ۇلتتىق پورتالى
