Halyqaralyq äue kölıgı qauymdastyǧy (IATA) qazaqstandyq Bek Eir äuekompaniiasynan ūşu kodyn alyp tastady. Tiıstı hat operatordyŋ veb-saitynda ornalastyrylǧan.
Qūjatta kompaniianyŋ osy kodty qoldanbau sebebın şekteu turaly «būdan bylai IATA-nyŋ bılıktılık talaptaryna säikes kelmeidı» delıngen. Onda "Bız sızderdıŋ kompaniianyŋ Jolauşylarǧa qyzmet körsetu Konferensiiasynyŋ 762 Rezoliusiiasy boiynşa IATA talaptaryna säikes kelmeitının ökınışpen habarlaimyz.
Būl hat arqyly sız IATA sızdıŋ Kodyŋyzdy qaitaryp alǧanynan resmi habardar boldyŋyz. Būl şeşım küşıne endı. Sondyqtan, sızdıŋ kompaniiaŋyz Kodty qoldanudy dereu doǧaruy kerek. Al tiıstı ūşu Kody osy hat jazylǧannan 60 künnen keiın talaptarǧa sai keletın basqa ūiymǧa berıletın bolady.
Eger sızdıŋ kompaniia IATA talaptaryna sai keletın bolsa, 60 künnıŋ ışınde qaita tekseru jürgızılıp, ūşu Kody sızdıŋ kompaniiaǧa qaitaryluy mümkın", delıngen.
Kod qandai sebeppen qaitaryp alyndy, naqtylanbaǧan.
IATA - äue kölıgı salasynyŋ müddelerın bıldıretın halyqaralyq ükımettık emes ūiym. Kompaniialarǧa taǧaiyndaityn kodtar olardyŋ kommersiialyq qyzmetınde qoldanylady (mysaly, biletterde tasymaldauşyny anyqtau kezınde). Sondai-aq, kompaniialar Halyqaralyq azamattyq aviasiia ūiymynyŋ (ICAO, halyqaralyq äue qozǧalysyn retteuşısı) tehnikalyq maqsatta (mysaly, reisterdı dispetcherleu kezınde) qoldanylatyn kodtaryn alady.
"Adyrna" ūlttyq portaly
