جاڭا الەم جەلىدە قىزىلوردا وبلىسى اكىمىنىڭ اپپارات باسشىسىنىڭ ءبىر يۋتۋب كانالعا سۇحبات بەرىپ وتىرعان ۆيدەوسىن كوزىم شالىپ قالدى. سودان اشىپ، ءبىراز قارادىم، بىراق سوڭىنا دەيىن كورۋگە شىدامادىم. ويتكەنى، وي سالار ماعىنالى اڭگىمە ەستىمەدىم. سونداعى ءبىر سۇراققا دىرداي اپپارات باسشىسى قازىرگى تەلەارنالار مەن گازەتتەردىڭ ءداۋىرى ءوتىپ بارا جاتىر، ءبىز ۆاينەرلەر مەن بلوگەرلەرگە قاراپ بوي تۇزەۋىمىز كەرەك دەگەندەي اڭگىمەنى ءبوسىپ وتىر.
وۋ، امىرەەۆ مىرزا تەلەۆيزور كورمەسە، گازەت وقىماسا بۇكىل باق قۇرالىن جوققا شىعارۋ كەرەك پا؟ ولار اقپاراتتى كەشەۋىلدەپ تاراتادى دەيدى. مىنە قىزىق، مەن بىلەتىن، ءوزىم قىزمەت ىستەگەن Qyzylorda تەلەارناسى كۇنىنە ءۇش رەت تىكەلەي ەفيردە "جاڭالىقتار" شىعارادى. جانە ازاندا ايتىلعان اقپارات كەشكە قايتالانبايدى! تەلەارنانىڭ رەسمي سايتى، يۋتۋب، ينستاگرام، فب جەلىلەرىندە بارلىق جاڭالىق، حابار كۇندەگىسى كۇندە جاييالانىپ وتىر. ءتىپتى، قازىر جەرگىلىكتى گازەتتەردىڭ پوچتي بارىندە سايتتارى بار. ول جاقتان دا ەسكىرگەن اقپار كورمەپپىن. سوندا، كىم زامانعا ىلەسە الماۋدا دەيمىن دا؟ قاراپايىم مىسال كەلتىرەيىن، جۋىردا عانا قارىمدى قالامگەر مۇرات جەتپىسباەۆ اعامىزدىڭ ەگەمەن قازاقستان گازەتىندە كوتەرگەن سەكسەۋىلدەگى بالالاردىڭ مەكتەپكە قاتىناۋ ماسەلەسىن پرەزيدەنتىمىز قاسىم-جومارت توقاەۆ وقىپ، سوناۋ اقورداد وتىرىپ سىر وڭىرىندەگى پروبلەمانى شەشۋ تۋرالى سىزدەرگە پارمەن بەردى!!! ەل باسقارىپ وتىرعان كوزى اشىق، كوكىرەگى وياۋ پرەزيدەنتتەن ۇلگى الىڭىز!!! ال سول سەكسەۋىلدەگى ماسەلە جەرگىلىكتى باق تا تالاي جىلدان بەرى ايتىلىپ كەلدى. بىراق، ونى ەستيتىن اكىمدىك بولسا، پرەزيدەنتكە جەتپەي باياعىدا شەشىمىن تابار ەدى!!!! الەمجەلى دەپ ءجۇرىپ، ءبىر كۇنى سول جەلىدە كۇلكىگە قالماڭىز!!!
ادىلبەك جاقانوۆ،
"ادىرنا" ۇلتتىق پورتالى
