Aqparat quraly, apparat emes Ámireev myrza!!!

852

Jańa álem jelide Qyzylorda oblysy ákiminiń apparat basshysynyń bir ıýtýb kanalǵa suhbat berip otyrǵan vıdeosyn kózim shalyp qaldy. Sodan ashyp, biraz qaradym, biraq sońyna deıin kórýge shydamadym. Óıtkeni, oı salar maǵynaly áńgime estimedim. Sondaǵy bir suraqqa dyrdaı apparat basshysy qazirgi telearnalar men gazetterdiń dáýiri ótip bara jatyr, biz vaınerler men blogerlerge qarap boı túzeýimiz kerek degendeı áńgimeni bósip otyr.

Oý, Ámireev myrza televızor kórmese, gazet oqymasa búkil BAQ quralyn joqqa shyǵarý kerek pa? Olar aqparatty kesheýildep taratady deıdi. Mine qyzyq, men biletin, ózim qyzmet istegen Qyzylorda telearnasy kúnine úsh ret tikeleı efırde "Jańalyqtar" shyǵarady. Jáne azanda aıtylǵan aqparat keshke qaıtalanbaıdy! Telearnanyń resmı saıty, ıýtýb, ınstagram, fb jelilerinde barlyq jańalyq, habar kúndegisi kúnde jaıııalanyp otyr. Tipti, qazir jergilikti gazetterdiń pochtı bárinde saıttary bar. Ol jaqtan da eskirgen aqpar kórmeppin. Sonda, kim zamanǵa ilese almaýda deımin da? Qarapaıym mysal keltireıin, jýyrda ǵana qarymdy qalamger Murat Jetpisbaev aǵamyzdyń Egemen Qazaqstan gazetinde kótergen Sekseýildegi balalardyń mektepke qatynaý máselesin Prezıdentimiz Qasym-Jomart Toqaev oqyp, sonaý Aqordad otyryp Syr óńirindegi problemany sheshý týraly Sizderge pármen berdi!!! El basqaryp otyrǵan kózi ashyq, kókiregi oıaý Prezıdentten úlgi alyńyz!!! Al sol Sekseýildegi másele jergilikti BAQ ta talaı jyldan beri aıtylyp keldi. Biraq, ony estıtin ákimdik bolsa, Prezıdentke jetpeı baıaǵyda sheshimin tabar edi!!!! Álemjeli dep júrip, bir kúni sol jelide kúlkige qalmańyz!!!

Ádilbek Jaqanov, 

"Adyrna" ulttyq portaly

Pikirler