تاياۋدا قازاقستان ورىنداۋشىلار وداعىنىڭ باسقارما توراعاسى بولعان مەيرامبەك بەسپاەۆ دەپۋتات زاعيپا باليەۆا جۇمىسىما كەدەرگى كەلتىرىپ، قىسىپ كورسەتىپ جاتىر دەپ مالىمدەگەن ەدى
ءماجىلىس دەپۋتاتى زاعيپا باليەۆا تانىمال ءانشى مەيرامبەك بەسپاەۆتىڭ مالىمدەمەسىن تالقىلاۋعا دايىن ەكەنىن جەتكىزدى، دەپ حابارلايدى Sputnik قازاقستان تىلشىسى.
ء"دال قازىر مەن مەيرامبەكتىڭ قوڭىراۋ شالعانىن كۇتىپ وتىرمىن. مىنا جەردە ون ادام بولىپ جينالىپ وتىرمىز. مەن الەۋمەتتىك جەلىگە ءوز تەلەفونىمدى سالىپ، ماعان قوڭىراۋ شالۋىن سۇرادىم. ەندى، ءبارىمىز مەيرامبەكتىڭ قوڭىراۋىن كۇتىپ وتىرمىز. ونىڭ قانداي ارىز-تالابى بار ەكەنىن بىلگىمىز كەلەدى", - دەدى باليەۆا.
ال Sputnik قازاقستان ءتىلشىسىنىڭ "مەيرامبەك ءوز ارىز-تالابىن الەۋمەتتىك جەلىگە جازعان جوق پا؟" دەگەن سۇراعىنا: "ول مەنەن سۇراۋ كەرەك قوي. وعان ءوزىم جاۋاپ بەرگىم كەلىپ وتىر", - دەپ قىسقا قايىردى.
ايتا كەتەيىك، تانىمال ءانشى مەيرامبەك بەسباەۆ ءوزىنىڭ الەۋمەتتىك جەلىدەگى پاراقشاسىندا ءماجىلىس دەپۋتاتى زاعيپا باليەۆا جۇمىسىنا كەدەرگى كەلتىرىپ، قىسىپ كورسەتىپ جاتقانىن جازدى.
بۇعان دەيىن انشىلەر ءبىراۋىزدان داۋىس بەرىپ، مەيرامبەك بەسباەۆتى قازاقستان ورىنداۋشىلار وداعىنىڭ باسقارما توراعاسى ەتىپ سايلاعان بولاتىن.
"ەندى كەلىپ، بۇرىنعى باسشىلىق جاڭا باسشىلىققا قارسى قوقاڭ-لوققى كورسەتىپ، ءارتۇرلى جاعىمسىز ارەكەتتەر ارقىلى قارسىلىق كورسەتۋدە. بۇرىنعى باسشىلىقتىڭ ارتىندا ءسىزدىڭ ۇلىڭىز جانە ءوزىڭىز تۇر ەكەنسىز. ءسىز زاڭدى تۇردە سايلانعان ماعان، باسقارما مۇشەلەرىنە قىسىم كورسەتىپ، ءارتۇرلى مەملەكەتتىك جانە قۇقىق قورعاۋ ورگاندارىنا تەلەفون شالىپ جاتىر ەكەنسىز. مۇنىڭىز مۇلدە دۇرىس ەمەس دەپ بىلەمىز!", - دەدى مەيرامبەك بەسباەۆ.
