قازاقستان رەسپۋبليكاسىنىڭ ەكس-قورعانىس مينيسترىنە تەرگەۋ جۇرگىزىلۋدە.
«قاتاڭ باقىلاۋدا» بىرقاتار جوعارى لاۋازىمدى اسكەري شەنەۋنىكتەر بار.
قازاقستان قارۋلى كۇشتەرى قاتارىنان بوساتىلعان، بۇرىنعى قورعانىس ءمينيسترى، گەنەرال-پولكوۆنيك ساكەن جاسۇزاقوۆ بۇرىنعى قول استىنداعىلارىمەن بىرگە تەرگەۋگە الىندى، دەپ حابارلايدى «كاراۆان».
قىلمىستىق ىسكە قاتىسقان بارلىق ادامداردىڭ اتى-جوندەرى ازىرگە كوپشىلىككە قول جەتىمدى ەمەس، الايدا باسىلىم بىرقاتار جوعارى لاۋازىمدى اسكەري شەنەۋنىكتەردىڭ، سونىڭ ىشىندە قارۋلى كۇشتەردىڭ اعا وفيتسەرلەرىنىڭ بار ەكەنى بەلگىلى بولدى.
ەستەرىڭىزگە سالا كەتەيىك، ارىس قالاسىنداعى اسكەري جاتتىعۋ پوليگونىنداعى جارىلىستارعا بايلانىستى قاسىم-جومارت توقاەۆ بۇرىنعى قورعانىس ءمينيسترى ساكەن جاسۇزاقوۆتى قارۋلى كۇشتەردەن بوساتىپ، ونىڭ ورىنباسارلارىنا وق-دارىلەردىڭ جارىلۋىنا اكەلىپ سوقتىرعان جۇمىستاعى قاتەلىكتەرى ءۇشىن سوگىس بەرگەن بولاتىن. اسكەري ءبولىمنىڭ كومانديرى مەن ونىڭ ورىنباسارى - ارتيللەريالىق وق-دارىلەردى ساقتاۋ بازاسىنىڭ باستىعى ۇستالدى. مۇنداي قايعىلى جاعداي قايتالانباۋى ءۇشىن اسكەري بازانى ارىس قالاسىنان كوشىرىپ، وق-دارىلەردىڭ بارلىق قويمالارىن تەكسەرۋ تۋرالى شەشىم قابىلداندى.
"ادىرنا" ۇلتتىق پورتالى
