ون ءتورت قارسىلاسىن جەڭگەن قازاق بوكسشىسى العاش رەت نوكاۋتپەن ۇتىلدى – ۆيدە

577
جارتىلاي ورتا سالماقتاعى ون راۋندتىق جەكپە-جەك تەحنيكالىق نوكاۋتپەن اياقتالدى. باقتيار ەيۋبوۆ ەكى رەت نوكداۋنعا ءتۇستى

نۇر-سۇلتان، 11 قاڭتار – Sputnik. قازاقستاندىق بوكسشى باقتيار ەيۋبوۆ (14-1-1, 12 كو) قاتارىنان ەكىنشى رەت جەڭىلدى، دەپ حابارلايدى Sports.kz. بۇعان دەيىن ول اقش بوكسشىسىنان ۇپاي سانىمەن ۇتىلعان بولاتىن.

اتلانتيك-سيتي قالاسىندا (اقش) 33 جاستاعى قازاقستاندىق بىردە-ءبىر رەت جەڭىلمەگەن امەريكالىق دجارون ەننيسپەن (24-0, 22 كو) جۇدىرىقتاستى. جارتىلاي ورتا سالماقتاعى ون راۋندتىق جەكپە-جەكتە ەننيس تەحنيكالىق نوكاۋتپەن جەڭىسكە جەتتى. بار-جوعى ءتورت راۋندقا سوزىلعان كەزدەسۋدە قازاقستاندىق ەكى رەت نوكداۋنعا ءتۇستى. بۇل جەكپە-جەكتىڭ ءۇزىندىسىن تومەندە كورۋگە بولادى.

ەيۋبوۆتىڭ بۇل كاسىپقوي رينگتەگى ەكىنشى جەڭىلىسى: الدىڭعى جەكپە-جەكتە ول تاعى ءبىر امەريكالىق برايان سەبالوعا (11-0, 6 كو) تورەشىلەر شەشىمىمەن ەسە جىبەرگەن بولاتىن.ال ەننيس 23-رەت نوكاۋتپەن ۇتتى. ول 25 جەكپە-جەك وتكىزىپ، بارىندە جەڭىسكە جەتكەن.

 

پىكىرلەر