Reuters
اقش پرەزيدەنتى دونالد ترامپ امەريكالىق اسكەريلەر ورنالاسقان يراكتاعى اسكەري بازالارىنا يراننىڭ جاساعان زىمىران شابۋىلىنا قاتىستى مالىمدەمە جاساپ، ۇلتقا ۇندەۋ ايتتى. پرەزيدەنتتىڭ سويلەگەن ءسوزىن تەلەارنالار، سونىڭ ىشىندە RT تىكەلەي ەفيردە تاراتتى.
"مەن پرەزيدەنت لاۋازىمىندا بولعان كەزىمدە يران يادرولىق قارۋعا يە بولا المايدى", - دەدى ترامپ ءوز ۇندەۋىنىڭ باسىندا.
ونىڭ ايتۋىنشا، اقش تەگەرانعا قاتىستى قاتاڭ ەكونوميكالىق سانكتسيالار ەنگىزىپ جاتىر. يران ءوزىنىڭ مىنەز-قۇلقىن وزگەرتپەيىنشە ساكنتسيالار ءوز كۇشىندە قالادى. بۇدان ءارى پرەزيدەنت يراكتاعى بازالار بويىنشا يراننىڭ سوققىسى سالدارىنان امەريكالىق اسكەري قىزمەتشىلەردىڭ ەشقايسى زارداپ شەكپەگەنىن جانە شىعىنعا ۇشىراماعانىن اتاپ ءوتتى.
"بىردە-ءبىر امەريكالىق شابۋىل سالدارىنان قازا بولعان جوق جانە زارداپ شەككەن جوق. ءبىزدىڭ بارلىق اسكەري قىزمەتشى قاۋىپسىز جەردە", - دەدى ترامپ.
ول شابۋىل سالدارىنان زاقىم از بولعانىن ايتتى. اقش پرەزيدەنتىنىڭ ايتۋىنشا، "يران شەگىندى، بۇل بۇكىل الەم ءۇشىن جاقسى".
ء"بىزدىڭ ۇلى قارۋلى كۇشتەرىمىز بارلىعىنا دايىن. يران مۇنى تۇسىنەدى. الەم ءۇشىن بۇل وتە جاقسى بەلگى", - دەدى ول.
تەلەەفيردە ترامپ امەريكانىڭ "ۇلكەن جانە قۋاتتى" زىمىراندارى بار ەكەنىن اتاپ ءوتتى. ء"بىزدىڭ زىمىراندارىمىز ۇلكەن، قۋاتتى، ءدال، ءولىم قۇشتىراتىن ءارى جىلدام. كوپتەگەن گيپەردىبىس زىمىرانى قۇراستىرىلادى. بىراق بىزدە وسىنداي كەرەمەت قارۋ-جاراق بارى ولاردى پايدالانۋىمىز كەرەك دەگەن ءسوز ەمەس", - دەدى ترامپ.
ونىڭ پىكىرىنشە، "امەريكانىڭ اسكەري جانە ەكونوميكالىق قۋاتى تەگەرانعا قارسى ەڭ جاقسى تەجەۋشى فاكتور".
ترامپ باسقا دا دەرجاۆالارعا، اتاپ ايتقاندا ۇلىبريتانيا، گەرمانيا، فرانتسيا، قىتاي جانە رەسەي يرانعا بايلانىستى ماسەلەلەردى شەشۋدە بەلسەندى ءرول اتقاراتىن ۋاقىت كەلگەنىن مالىمدەدى. بۇل تۇرعىدا ترامپ يرانمەن بۇرىن جاسالعان يادرولىق كەلىسىمدى قايتا سىنعا الدى. اق ءۇي باسشىسى رەسەيدى جانە باسقا دا بىرقاتار ەلدى يراننىڭ يادرولىق باعدارلاماسى بويىنشا بىرلەسكەن كەشەندى ءىس-قيمىل جوسپارىنان باس تارتۋعا، ال ونىڭ ورنىنا تەگەرانمەن جاڭا يادرولىق كەلىسىم جاساۋعا شاقىردى.
ء"بىز يرانمەن الەمدى قاۋىپسىز جانە بەيبىت ەتەتىن كەلىسىم جاساۋ باعىتىندا جۇمىس ىستەۋىمىز كەرەك", - دەدى ول.
تاياۋ شىعىستاعى وقيعالاردىڭ ەندىگى جاي-كۇيىنە قاتىستى ترامپ يراننىڭ شەگىنۋى مۇمكىن ەكەنىن ايتتى. سونىمەن قاتار، پرەزيدەنت يراننىڭ مىنەز-قۇلقى وزگەرگەن جاعدايدا يران حالقى مەن مەملەكەت الدىندا جارقىن بولاشاق اشىلىپ، وركەندەيتىنىن اتاپ ءوتتى.
ەسكە سالايىق، يران گەنەرالى كاسەم سۋلەيمانيدىڭ باعداتتا امەريكالىق كۇشتەردىڭ اۋە سوققىلارىنان قازا تابۋىنان كەيىن يران 8 قاڭتاردا يراكتاعى ەكى امەريكالىق اۋەبازاعا شابۋىل جاساپ، "ازاپ شەگۋى سۇلەيماني" وپەراتسياسىنىڭ باستالعانىن جاريالادى. اقش نىساندارىنا قاراتا "جەر - جەر" كلاسىنداعى ونداعان زىمىران ۇشىرىلدى.
شابۋىل ناتيجەسىندە ەين-ءال-اساد اۋەبازاسىندا ورنالاسقان بىرنەشە جويعىش ۇشاق زاقىمدالدى. باسقا اقپاراتتارعا سەنسەك، بىرنەشە ۇشاق جويىلعان. يراننىڭ Press TV تەلەارناسى 80 ادامنىڭ قايتىس بولعانىن حابارلادى.
دەرەككوزى: Tengrinews.kz
https://kaz.tengrinews.kz/world_news/tramp-irannyin-sokkyisyina-katyistyi-malmdeme-jasadyi-304032/
