Reuters
AQSh prezıdenti Donald Tramp amerıkalyq áskerıler ornalasqan Iraktaǵy áskerı bazalaryna Irannyń jasaǵan zymyran shabýylyna qatysty málimdeme jasap, ultqa úndeý aıtty. Prezıdenttiń sóılegen sózin telearnalar, sonyń ishinde RT tikeleı efırde taratty.
"Men Prezıdent laýazymynda bolǵan kezimde Iran ıadrolyq qarýǵa ıe bola almaıdy", - dedi Tramp óz úndeýiniń basynda.
Onyń aıtýynsha, AQSh Tegeranǵa qatysty qatań ekonomıkalyq sankııalar engizip jatyr. Iran óziniń minez-qulqyn ózgertpeıinshe saknııalar óz kúshinde qalady. Budan ári prezıdent Iraktaǵy bazalar boıynsha Irannyń soqqysy saldarynan amerıkalyq áskerı qyzmetshilerdiń eshqaısy zardap shekpegenin jáne shyǵynǵa ushyramaǵanyn atap ótti.
"Birde-bir amerıkalyq shabýyl saldarynan qaza bolǵan joq jáne zardap shekken joq. Bizdiń barlyq áskerı qyzmetshi qaýipsiz jerde", - dedi Tramp.
Ol shabýyl saldarynan zaqym az bolǵanyn aıtty. AQSh prezıdentiniń aıtýynsha, "Iran shegindi, bul búkil álem úshin jaqsy".
"Bizdiń uly Qarýly Kúshterimiz barlyǵyna daıyn. Iran muny túsinedi. Álem úshin bul óte jaqsy belgi", - dedi ol.
Teleefırde Tramp Amerıkanyń "úlken jáne qýatty" zymyrandary bar ekenin atap ótti. "Bizdiń zymyrandarymyz úlken, qýatty, dál, ólim qushtyratyn ári jyldam. Kóptegen gıperdybys zymyrany qurastyrylady. Biraq bizde osyndaı keremet qarý-jaraq bary olardy paıdalanýymyz kerek degen sóz emes", - dedi Tramp.
Onyń pikirinshe, "Amerıkanyń áskerı jáne ekonomıkalyq qýaty Tegeranǵa qarsy eń jaqsy tejeýshi faktor".
Tramp basqa da derjavalarǵa, atap aıtqanda Ulybrıtanııa, Germanııa, Franııa, Qytaı jáne Reseı Iranǵa baılanysty máselelerdi sheshýde belsendi ról atqaratyn ýaqyt kelgenin málimdedi. Bul turǵyda Tramp Iranmen buryn jasalǵan ıadrolyq kelisimdi qaıta synǵa aldy. Aq úı basshysy Reseıdi jáne basqa da birqatar eldi Irannyń ıadrolyq baǵdarlamasy boıynsha birlesken keshendi is-qımyl josparynan bas tartýǵa, al onyń ornyna Tegeranmen jańa ıadrolyq kelisim jasaýǵa shaqyrdy.
"Biz Iranmen álemdi qaýipsiz jáne beıbit etetin kelisim jasaý baǵytynda jumys isteýimiz kerek", - dedi ol.
Taıaý Shyǵystaǵy oqıǵalardyń endigi jaı-kúıine qatysty Tramp Irannyń sheginýi múmkin ekenin aıtty. Sonymen qatar, Prezıdent Irannyń minez-qulqy ózgergen jaǵdaıda Iran halqy men memleket aldynda jarqyn bolashaq ashylyp, órkendeıtinin atap ótti.
Eske salaıyq, Iran generaly Kasem Sýleımanıdiń Baǵdatta amerıkalyq kúshterdiń áýe soqqylarynan qaza tabýynan keıin Iran 8 qańtarda Iraktaǵy eki amerıkalyq áýebazaǵa shabýyl jasap, "Azap shegýi Súleımanı" operaııasynyń bastalǵanyn jarııalady. AQSh nysandaryna qarata "jer - jer" klasyndaǵy ondaǵan zymyran ushyryldy.
Shabýyl nátıjesinde Eın-ál-Asad áýebazasynda ornalasqan birneshe joıǵysh ushaq zaqymdaldy. Basqa aqparattarǵa sensek, birneshe ushaq joıylǵan. Irannyń Press TV telearnasy 80 adamnyń qaıtys bolǵanyn habarlady.
Derekkózi: Tengrinews.kz
https://kaz.tengrinews.kz/world_news/tramp-irannyin-sokkyisyina-katyistyi-malmdeme-jasadyi-304032/
