ماقسات، ەڭبەك، ناتيجە - وسىنداي اتاۋمەن تارباعاتاي اۋدانىنىڭ ورتالىعى اقسۋات اۋىلىندا جاستار فورۋمى وتۋدە. بارقىتبەل جاستارى - بولاشاقتىڭ باستاۋى دەگەن ۇراندى تۋ ەتكەن اۋداننىڭ بەلسەندى جاستارىنىڭ الدىندا ءسوز سويلەگەن اۋدان اكىمى سەرىكقازى قۇسايىنۇلى سادۋاقاسوۆ جەرگىلىكتى بيلىكتىڭ جاستاردى قولداۋ ماقساتىندا ەشتەڭە ايامايتىنىن جەتكىزدى.
" ماعان ارنايى جوبالارمەن كەلىڭىزدەر. قاي جوبا بولماسىن قولدايمىز. قارجى بولدىرەمىز. اۋىلدارىڭىزدى گۇلدەندىرۋ جولدارىن ويلاڭىزدار. ءبىلىم سالاسى، دەنساۋلىق ساقتاۋ سالاسى، اۋىلدى كوگالداندىرۋ جانە اباتتاندىرۋ تۋرالى باعدارلامالارىڭىزدى الىپ كەلىڭىزدەر. اۋدان اكىمشىلىگى ەشقايسىسىن نازاردان تىس قالدىرمايدى" دەدى اۋدان اكىمى.
فورۋم كەشكە دەيىن جالعاسادى.
"ادىرنا" ۇلتتىق پورتالى
